Mateo 5:25 - Emberá Chamí

²⁵ »Bichiba waud̶a kakua bichi chi kĩramaabariiba chi juezmaa adoeruubʉrã, wabid̶a od̶e wãaruud̶e biꞌia berreáse ichi ome biꞌia paneed̶ai baita. Maka wauwẽebʉrã, ichiba juez juad̶e b̶ui. Maabae chi juezba chi nubariimaa jarai chi jʉ̃abadaud̶e jʉ̃a b̶umera.

Mateo 5:25 Referans Kwoze

Hebreos 3:13

Wabid̶a ãyadaa b̶uud̶eed̶e ewaricha chiya aid̶a panásturu biꞌia ijãad̶ai baita. Maka ab̶a bid̶a kachiruaba setaa kũruaped̶a sõ chaarea nureabai.

Hebreos 3:7

Maud̶eeba Dachi Akõre Jauriba naka jara b̶uu: «Id̶i Dachi Akõre bed̶ea ũriiduud̶e machi sõ chaarearã́sturu machi nabẽrarã sõ chaareaped̶aad̶a kĩra. Maarã drua sirua wãꞌãe b̶uud̶e duanasid̶aud̶e Dachi Akõreba jarad̶a ida b̶usid̶au ichiba kãare waui kuitaad̶ayua.

Hebreos 12:17

Machiba kuitaa panuu nau maad̶akare Esauba kʉ̃ria b̶uasii chi akõreba ichi ʉ̃rʉbena biꞌia jarai Dachi Akõreba karibamera. Maamina chi akõreba ichi ida b̶usii. Esaú jẽasmina ichiba naed̶e waud̶a poyaa biꞌia b̶uubasii.

2 Corintios 6:2

Dachi Akõre bed̶ead̶e naka jara b̶uu: «Chi mʉʉba karibai baita b̶ud̶a ewarid̶e bichiba id̶id̶a mʉʉba ũrisii. Mau ewarid̶e mʉʉba bichi karibasii». Mʉʉba biawãra jaraaruu: Mau ewari neesii. Id̶i Dachi Akõreba dachi karibabarii.

Mateo 26:58

Maabae Pedro kaitawẽeba kaad̶e niiba chi paare mechiu deemaa neesii. Chi de dud̶a ed̶a wãped̶a Dachi Akõre de nubadaurã baara ãbua akʉ b̶eesii Jesús saka waud̶ai kuitaai baita.

Lucas 18:3

Ara mau puurud̶e pẽdrãa b̶uasii. Mau waabena ome nebʉra bara b̶uasii. Maud̶eeba ewaricha wãbachii chi juezba aid̶amera.