Mateo 27:56 - Emberá Chamí

⁵⁶ Ãchi tãed̶e María Magdalena b̶uasii maud̶e chi ab̶au María. Mau María Santiago maud̶e José nawe basii. Mau Zebedeo wẽra basii.

Mateo 27:56 Referans Kwoze

Juan 19:25

Jesús cruzd̶e jirab̶u kaita Jesús nawe maud̶e chi nawe neekau panasid̶au. Cleofás kima María maud̶e María Magdalena panasid̶au.

Marcos 16:9

Misa daped̶eed̶e Jesús chokae jiraduped̶a naa María Magdalenamaa unubisii. Mau wẽra kakuad̶ebena Jesusba naed̶e jai kachiruarã 7 duabʉika b̶uasii.

Marcos 15:47

María Magdalenaba maud̶e José nawe Mariaba Jesús aria b̶uuduu unusid̶au.

Mateo 28:1

Bari panabadau ewari wãsiid̶e misa ewari daped̶eed̶e ewariruud̶e María Magdalena, chi ab̶abena María baara Jesús jau b̶uped̶aad̶amaa ichiad̶e wãsid̶au.

Juan 20:18

Ara makʉd̶e María Magdalena Jesús baara nibaped̶aad̶arãmaa wãped̶a jarasii: «Mʉʉba Dachi Mechiu unusii». Mau awara Jesusba jarad̶a joma nebʉrʉsii.

Juan 20:1

Misa ewarid̶e daped̶eed̶e wabid̶a pãriu b̶uud̶e María Magdalena Jesús jau b̶uped̶aad̶amaa wãsii. Neeruud̶e chi mo mechiu chi chob̶ea jʉ̃a kub̶uad̶a ãyaa bʉraa kub̶uu unusii.

Lucas 24:10

María Magdalenaba, Juanaba, Santiago nawe Mariaba maud̶e waabena wẽrarã ãchi baara panuuba Jesusba bʉid̶arãmaa maka nebʉrʉsid̶au.

Mateo 27:61

Jesús jau b̶usid̶aud̶e María Magdalena maud̶e chi ab̶abena María akʉ panasid̶au.

Mateo 13:55

¿Ichi dachi puurud̶ebena bakuruba ne kaebea waubarii warrwãeka? Ichi nawe ¿Mariawãeka? Ichi ãbarã ¿Santiago, José, Simón maud̶e Judaswãeka?

Lucas 8:2

Mau awara wẽrarã ichi baara nibabachid̶au. Chi nuree wẽrarã ẽpermo b̶ead̶a Jesusba aribiabiasii maud̶e chi nuree jai kachirua bara b̶ead̶a Jesusba chi jai duabʉisii. Ab̶a María Magdalena basii. Jesusba mau kakuad̶ebena jai kachiruarã 7 ãyaa bʉisii.