Mateo 26:70 - Emberá Chamí

⁷⁰ Maamina Pedroba jomaurã daad̶e merasii. Naka jarasii: —Mʉʉba aduama bichiba kãare jara b̶uu.

Mateo 26:70 Referans Kwoze

1 Corintios 10:12

Maud̶eeba ab̶auba ãrea ijãa b̶uu kʉ̃risia b̶uubʉrã, ara ichi du ab̶a kauwa b̶uai b̶uu kachiruad̶e ida b̶aebiamaaba.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Romanos 11:20

Biawãra maka b̶uu. Maamina Dachi Akõreba ãchi ida b̶usii Cristod̶e ijãad̶aabasiid̶eeba. Maabae machi jʉrʉ adausii Cristod̶e ijãasid̶aud̶eeba. Maud̶eeba machi judiorã audeara biꞌia nuree kʉ̃risiarã́sturu, maumaarã Dachi Akõre wapeadee panásturu.

Mateo 26:58

Maabae Pedro kaitawẽeba kaad̶e niiba chi paare mechiu deemaa neesii. Chi de dud̶a ed̶a wãped̶a Dachi Akõre de nubadaurã baara ãbua akʉ b̶eesii Jesús saka waud̶ai kuitaai baita.

Mateo 26:56

Maamina joma nau wau panuu Dachi Akõre baita berreabadaurãba b̶ʉped̶aad̶a makamera. Maka b̶uud̶e joma chi ichi baara nibabadaurãba mau b̶ʉid̶aped̶a jĩichoasid̶au.

Mateo 26:51

Maud̶e Jesús baara nibabarii ab̶aba ichi espada erta adauped̶a paare mechiu chi bari baita trajabarii kʉʉrʉ oatutasii.

Mateo 26:69

Pedro mau de mechiu dud̶a akʉ b̶uud̶e wẽra trajabarii ichimaa neesii. Mau wẽraba jarasii: —Bichi Jesús Galilead̶ebena baara nibasii.

Mateo 26:71

Maabae Pedro, de dud̶abena poraamaa wãsii. Maud̶e june wẽra trajabariiba mau unuped̶a aria panuurãmaa jarasii: —Nau Jesús Nazaretd̶ebena baara nibasii.

Lucas 22:57

Maamina Pedroba merasii: —Bichiba jara b̶uu ẽbẽra mʉʉba unukau.