Mateo 26:13 - Emberá Chamí

¹³ Mʉʉba biawãra jaraaruu: joma nau druad̶e chi bed̶ea bia mʉ ʉ̃rʉbena jaradeaduud̶e nau wẽraba waud̶a nebʉrʉd̶ai kĩrabad̶amera.

Mateo 26:13 Referans Kwoze

Marcos 14:9

Mʉʉba biawãra jaraaruu: joma nau druad̶e chi bed̶ea bia mʉ ʉ̃rʉbena jaradeaduud̶e nau wẽraba waud̶a nebʉrʉd̶ai kĩrabad̶amera.

Mateo 24:14

Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

Apocalipsis 14:6

Mau maad̶akare mʉʉba ángel ab̶a bajãad̶e ũub̶ari nii unusii. Mauba chi bed̶ea bia uru b̶uasii chi nau iujãad̶ebena jomaurãmaa jarai baita: puurud̶ebenarãcha, druad̶ebenarãcha, ẽbẽrarã didiwaraacha maud̶e bed̶ea didiwaraacha. Mau bed̶ea ewaricha maka b̶uai.

1 Timoteo 2:6

Ara ichi ida beabisii ẽbẽrarã joma kariba b̶uai baita. Dachi Akõreba b̶ud̶a ewarid̶e mau kuitaabisii.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

2 Corintios 10:18

Ab̶auba ara ichi ʉ̃rʉbena biꞌia jaraaruubʉrã, mauba jara b̶uuwãe Dachi Mechiuba mau ẽbẽra biꞌia unu b̶uu. Maumaarã chi Dachi Mechiuba biꞌia jara b̶uu ẽbẽra biꞌia unu b̶uu.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Romanos 10:18

Maamina mʉʉba id̶iiruu: ¿Judiorãba mau bed̶ea ũrid̶aabaska? Biawãra ũrisid̶au. Dachi Akõre bed̶ead̶e naka b̶ʉ kub̶uu: «Ichi ʉ̃rʉbena joma nau iujãad̶e jarasid̶au. Mau bed̶ea kaitawẽ jarad̶e wãsid̶au».

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Marcos 13:10

Maamina nau ewari neei naed̶e chi bed̶ea bia mʉ ʉ̃rʉbena joma puurucha jarad̶ai panuu.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Hechos 10:4

Cornelioba chi ángel kĩedarrmaa apii ichiaped̶a ãrea wapeaba id̶isii: —¿Kãare kʉ̃ria b̶uma? Maabae chi angelba jarasii: —Bichiba Dachi Akõremaa ʉtaa id̶ibarii maud̶e chi nejarr barauwãe nuree aid̶abarii ichiba biꞌia unu b̶uu ichimaa ne baa dearuu kĩra.