Mateo 25:17 - Emberá Chamí

¹⁷ Ara mau kĩra chi 2.000 adaud̶aba maucha 2.000 adausii.

Mateo 25:17 Referans Kwoze

Efesios 5:16

Machiba poyaa wauduucha biꞌia wáusturu, nau ewarid̶e ẽbẽrarãba ne joma kachirua waubadaud̶eeba.

1 Pedro 4:10

Dachi Akõreba ichi sõbiad̶eeba dachicha ichi Jauriba waubi b̶uu deasii, waabenarã aid̶ad̶amera. Dachi Akõre baita bari trajabadaurã biawãrad̶eeba ichiba machicha deasiid̶eeba waabena aid̶ásturu.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

Colosenses 4:17

Ãba Arquipomaa jarásturu: «Dachi Mechiuba waubi b̶uu joma wau b̶uase».

2 Corintios 8:12

Biawãra ab̶auba poyaa dearuu kĩra sõbiad̶eeba dearuubʉrã, mau dead̶a Dachi Akõreba biꞌia unui. Ab̶auba deai baita uru b̶uuwãebʉrã, Dachi Akõreba deábad̶e akau.

Hechos 10:2

Mau Cornelio ichi ded̶ebenarã baara joma jipa nureasii. Dachi Akõre wapeadee panasid̶au. Cornelioba judiorã aid̶ai baita chi nejarra ãrea deabachii maud̶e Dachi Akõremaa ʉtaa id̶i b̶uabachii.

Mateo 25:16

Chi 5.000 adaud̶a trajad̶e wãsii mau chi nejarra waribii baita. Maka ichiba maucha 5.000 adausii.

Mateo 25:18

Maamina chi 1.000 adaud̶aba mau chi nejarra iorod̶e ʉyaasii.