Mateo 24:43 - Emberá Chamí

⁴³ Nau kuitásturu: de chibariba nechiru sakaed̶e neei kuitaa b̶uad̶a basirã, kãi b̶eewẽa b̶uai basii, ded̶e ed̶a wãbiamaaba.

Mateo 24:43 Referans Kwoze

Lucas 12:39

»Nau kuitásturu: de chibariba nechiru sakaed̶e neei kuitaa b̶uad̶a basirã, kãi b̶eewẽa b̶uai basii ded̶e ed̶a wãbiamaaba.

Mateo 24:44

Ara mau kĩra machi sid̶a dau kuitaa panásturu. Machiba mʉ, chi Ẽbẽra Ba B̶uad̶a neei, kʉ̃risiad̶awẽa panuud̶e neei.

Mateo 20:11

Maud̶eeba uva uu nub̶uu chibari ʉ̃rʉbena kachirua berrea duaneesid̶au.

Mateo 14:25

Ewarimaa Jesús ãchi kaita bania ʉ̃rʉ tʉa kãribasii.

Mateo 24:42

»Maud̶eeba dau kuitaa nureásturu. Machi Mechiu sakaed̶e neei adua panuu.

Mateo 25:10

Ara makʉd̶e olivo draa nedod̶e wãsid̶au. Maumisa chi miakãiruu mukĩra neesii. Maabae chi biꞌia kʉ̃risia nuree ichi ome chi kĩrajʉʉ miakãid̶ai ded̶e ed̶a wãsid̶au. Ara makʉd̶e ab̶auba chi poraa jʉ̃asii.

Mateo 25:13

»Mau kakua machi dau kuitaa duanásturu. Mʉ, chi Ẽbẽra Ba B̶uad̶a neei ewari maud̶e chi hora adua panuu.

Marcos 6:48

Mamauba unusii chi ichi baara nibabadaurãba dowiid̶ai baita dauchia jãadua panuu, chi pũatu ãchi kĩramaa pũatu kãriid̶eeba. Ewarimaa ãchi kaita bania ʉ̃rʉ wãyaa tʉa kãribasii.

Marcos 13:35

Ara mau kĩra machia bid̶a adua panuu machi De Chibari sakaed̶e waya neei: kiuruud̶e, ẽsabud̶e, eterr biruuruud̶e maebʉrã daped̶e. Maud̶eeba dau kuitaa nureásturu,

Lucas 12:38

Chi ichi baita bari trajabadaurã bia nureerãba ãchi chibari nubadau ẽsabud̶e ẽsa maebʉrã ewarimaa bid̶a neeruud̶e. Chi chibariba maarã nu panuu unud̶e neeruubʉrã maarã biꞌia ichiai.

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Apocalipsis 3:3

Chi biawãra bed̶ea machiba ũriped̶aad̶a kĩrabásturu. Mau ãrea ijã́sturu. Kachirua ida b̶ud̶aped̶a Dachi Akõremaa waya nésturu. Machi kauwa nibabadauwãebʉrã mʉ kãꞌãabariwãed̶e neei machi kastikai baita nechiru kãꞌãabariwãed̶e neebarii kĩra.

Apocalipsis 16:15

Maarãba hebreo bed̶ead̶e Armagedón abadau druad̶aa chi reyrã chĩod̶e uad̶osid̶au. «¡Ũrísturu! Mʉ nechiru kĩra neei. Biꞌia panad̶ai chi mʉ neeruu esed̶au panuu maud̶e paru uru nuree. Maka mʉ neeruud̶e maarã ewaraa panad̶aabai maud̶e kĩra nejasia panad̶aabai».