Mateo 24:42 - Emberá Chamí

⁴² »Maud̶eeba dau kuitaa nureásturu. Machi Mechiu sakaed̶e neei adua panuu.

Mateo 24:42 Referans Kwoze

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

1 Tesalonicenses 5:6

Maud̶eeba dachi kãi duanuuwãema waabenarã kãi duanuu kĩra, maumaarã dau ʉb̶ʉa panad̶ai panuu maud̶e kĩrabia panad̶ai panuu.

Mateo 25:13

»Mau kakua machi dau kuitaa duanásturu. Mʉ, chi Ẽbẽra Ba B̶uad̶a neei ewari maud̶e chi hora adua panuu.

Apocalipsis 16:15

Maarãba hebreo bed̶ead̶e Armagedón abadau druad̶aa chi reyrã chĩod̶e uad̶osid̶au. «¡Ũrísturu! Mʉ nechiru kĩra neei. Biꞌia panad̶ai chi mʉ neeruu esed̶au panuu maud̶e paru uru nuree. Maka mʉ neeruud̶e maarã ewaraa panad̶aabai maud̶e kĩra nejasia panad̶aabai».

1 Corintios 16:13

Kauwa panásturu. Jesucristod̶e ãrea ijãa panásturu. Ichid̶eeba perawẽa panásturu maud̶e chaarea panásturu.

Mateo 24:36

»Maamina ab̶au bid̶a mau ewari sakaed̶e makai adua panuu. Chi angelerã bid̶a mau adua panuu. Mʉ, chi Ẽbẽra Ba B̶uad̶a bid̶a adua b̶uu. Ab̶aburu mʉ Chacháburu mau kuitaa b̶uu.

Romanos 13:11

Joma mau wau panásturu kuitaa panuud̶eeba nau ewari saka b̶uu. Ʉ̃rʉmásturu. Waa kãi duanarã́sturu. Dachi nau iujãa kachiruad̶ebena karibai aude ara kaita b̶uu dachiba naed̶e ijãaped̶aad̶a audeara.

Mateo 24:44

Ara mau kĩra machi sid̶a dau kuitaa panásturu. Machiba mʉ, chi Ẽbẽra Ba B̶uad̶a neei, kʉ̃risiad̶awẽa panuud̶e neei.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

Mateo 24:43

Nau kuitásturu: de chibariba nechiru sakaed̶e neei kuitaa b̶uad̶a basirã, kãi b̶eewẽa b̶uai basii, ded̶e ed̶a wãbiamaaba.

Mateo 25:10

Ara makʉd̶e olivo draa nedod̶e wãsid̶au. Maumisa chi miakãiruu mukĩra neesii. Maabae chi biꞌia kʉ̃risia nuree ichi ome chi kĩrajʉʉ miakãid̶ai ded̶e ed̶a wãsid̶au. Ara makʉd̶e ab̶auba chi poraa jʉ̃asii.

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.