Mateo 24:37 - Emberá Chamí

³⁷ Chi Ẽbẽra Ba B̶uad̶a neei, Noé ewarid̶e maka b̶uad̶a kĩra.

Mateo 24:37 Referans Kwoze

2 Pedro 3:6

Ara mau baniaba joma nau iujãad̶e chi mau ewarid̶e panad̶a kinibisii mau bania ãrea chesiid̶eeba.

2 Pedro 2:5

Maud̶e nabẽraed̶ebenarãba Dachi Akõre ida b̶usid̶aud̶e ichiba kĩra chuburiabasii. Maumaarã bania ãrea birubisii mau ẽbẽrarã joma kinid̶amera. Maamina Noeba dachi jipa nibad̶ai ʉ̃rʉbena jaradeabachii. Ichi, ichi ded̶ebenarã 7 panuu sid̶a Dachi Akõreba karibasii.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

Mateo 24:39

Maarãba jãba neei ʉ̃rʉbena adua basii. Maamina biawãra neesiid̶e ãchi joma ãrea baniaba biusid̶au. Mau jãba maka need̶a kĩra mʉ, chi Ẽbẽra Ba B̶uad̶a neei.

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

Mateo 24:27

Chi Ẽbẽra Ba B̶uad̶a neeruu jomaurãba unud̶ai ʉmada neebariared̶ebena ʉmada b̶aebariid̶aa bajãa puri chebibarii unubadau kĩra.

Mateo 24:30

Maud̶e bajãad̶e ne unud̶ai. Mau mʉ, chi Ẽbẽra Ba B̶uad̶a neeruu ʉ̃rʉbena. Mau unuuduud̶e joma puuru nau iujãad̶ebenarã wapeaba jẽad̶ai. Mʉ jʉ̃rʉarad̶e poyaabarii baraa neeruu maud̶e kĩrawãrea ted̶echoa neeruu unud̶ai.