Mateo 24:30 - Emberá Chamí

³⁰ Maud̶e bajãad̶e ne unud̶ai. Mau mʉ, chi Ẽbẽra Ba B̶uad̶a neeruu ʉ̃rʉbena. Mau unuuduud̶e joma puuru nau iujãad̶ebenarã wapeaba jẽad̶ai. Mʉ jʉ̃rʉarad̶e poyaabarii baraa neeruu maud̶e kĩrawãrea ted̶echoa neeruu unud̶ai.

Mateo 24:30 Referans Kwoze

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Hechos 1:11

Mau ẽbẽraba naka jarasid̶au: —Machi Galilead̶ebena, ¿sakãe bajãad̶aa ichia panuma? Jesús machi baara b̶uad̶a bajãad̶aa wãd̶a waya neei ichi bajãad̶aa wãd̶a kĩra.

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Lucas 21:27

Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

2 Tesalonicenses 1:7

Maamina machi, chi biꞌiwãe panabiaped̶aad̶a kʉrrjĩrubiai dai kʉrrjĩrubiabarii kĩra. Mau makai Dachi Mechiu Jesús ichi angelerã chi poyaabadau ome tʉbʉchia aokod̶e bajãad̶ebena neeruud̶e. Maud̶e joma Dachi Akõred̶e ijãad̶akaurã maud̶e chi bed̶ea bia Dachi Mechiu Jesús ʉ̃rʉbena ijãad̶akaurã kastikai.

Marcos 13:26

»Mau ewarid̶e mʉ, chi Ẽbẽra Ba B̶uad̶a jʉ̃rʉarad̶e poyaabarii baraa neeruu maud̶e kĩrawãrea baraa neeruu unud̶ai.

Lucas 22:69

Maamina id̶iiba mʉ, chi Ẽbẽra Ba B̶uad̶a Dachi Akõreba Joma Poyaabarii jua biare akʉ b̶uai.

Marcos 13:4

—Daimaa jarase: ¿mau sakaed̶e makaima? ¿Kãared̶eeba kuitaad̶aima mau ewari ʉ̃rʉ ba b̶uu?

Mateo 24:37

Chi Ẽbẽra Ba B̶uad̶a neei, Noé ewarid̶e maka b̶uad̶a kĩra.

Mateo 24:39

Maarãba jãba neei ʉ̃rʉbena adua basii. Maamina biawãra neesiid̶e ãchi joma ãrea baniaba biusid̶au. Mau jãba maka need̶a kĩra mʉ, chi Ẽbẽra Ba B̶uad̶a neei.

Apocalipsis 12:1

Bajãad̶e ne makai b̶uu ʉ̃rʉbena unusii. Mʉʉba wẽra ab̶a ʉmada paru kĩra jʉ̃ b̶uu unusii. Mau jʉ̃rʉ jed̶ako ʉ̃rʉ tʉa kub̶uasii. Boro jũra pusterrea 12 waud̶a jʉ̃ b̶uasii.