Mateo 22:43 - Emberá Chamí

⁴³ Maud̶e Jesusba id̶isii: —Maka b̶uubʉrã, Davidba ¿sakãe Dachi Akõre Jaurid̶eeba mau mʉ Mechiu nii asma? Davidba naka jarasii:

Mateo 22:43 Referans Kwoze

Apocalipsis 4:2

Ara makʉd̶e Dachi Akõre Jauri mʉʉd̶e need̶aba chi rey ãkau bajãad̶e unubisii. Mau ʉ̃rʉ ab̶a akʉ b̶uasii.

Apocalipsis 1:10

Dachi Mechiu ewarid̶e mʉ Dachi Akõre Jaurid̶eeba b̶uasii. Maud̶e mʉ kaad̶eeba ab̶a mimi jĩwa berrea b̶uu ũrisii. Ichi bed̶ea kachu jĩwabarii kĩra ũrisii.

2 Pedro 1:21

Maarãba kʉ̃ria panad̶a kĩra jarad̶aabasii, maumaarã Dachi Akõre baita panasiid̶eeba, Ichi Jaurid̶eeba berreasid̶au.

Hebreos 3:7

Maud̶eeba Dachi Akõre Jauriba naka jara b̶uu: «Id̶i Dachi Akõre bed̶ea ũriiduud̶e machi sõ chaarearã́sturu machi nabẽrarã sõ chaareaped̶aad̶a kĩra. Maarã drua sirua wãꞌãe b̶uud̶e duanasid̶aud̶e Dachi Akõreba jarad̶a ida b̶usid̶au ichiba kãare waui kuitaad̶ayua.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.

Marcos 12:36

Ara mau Davidba Dachi Akõre Jaurid̶eeba naka jarasii: Dachi Mechiuba mʉ mechiu niimaa jarasii: mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa.

1 Corintios 12:3

Maud̶eeba mʉʉba kʉ̃ria b̶uu machiba nau kuitaad̶ayu: Chi Dachi Akõre Jaurid̶eeba berrea b̶uuba «Jesús kachirua nii» akau. Maud̶e chi Dachi Akõre Jaurid̶eeba berreawẽa b̶uuba «Jesús jomaurã Mechiu» akau.