Mateo 22:42 - Emberá Chamí

⁴² —Machimaarã, Dachi Akõreba Dachi Karibabarii deai jarad̶a ¿kai warrma? Ãchiba panausid̶au: —Davidd̶ebʉ.

Mateo 22:42 Referans Kwoze

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

Mateo 1:1

Nau karta Jesucristo ʉ̃rʉbena. Jesucristo dachi nabẽrarã Abrahamd̶ebena maud̶e dachi rey Israeld̶ebena David naka neesii.

Juan 20:28

Maud̶e Tomasba jarasii: —¡Mʉ Mechiu! ¡Mʉ Dachi Akõre!

Juan 1:49

Maud̶eeba Natanaelba jarasii: —Jaradeabarii, bichi biawãra Dachi Akõre Warrbʉ. Bichi Israeld̶ebenarã Reybʉ.

Mateo 21:9

Maud̶e ãrea ẽbẽrarã ichi naa nibaped̶aad̶aba, ichi kaad̶e needuu bid̶a maka b̶iasid̶au: ¡Biꞌia nii Davidd̶ebena need̶a! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii chi Bajãad̶e B̶uu!

Mateo 14:33

Maabae joma jãbad̶e panuu Jesús daad̶e õdarrd̶e kopaneed̶aped̶a ichimaa biꞌia berreasid̶au: —¡Bichi biawãra Dachi Akõre Warrbʉ!

Mateo 9:27

Jesús mamabena wãsiid̶e dau pãriu nid̶au ome ichi kaad̶e b̶ia neesid̶au. Mau ẽbẽrarãba b̶ia kopanuuba jarasid̶au: —¡Jesús, Davidd̶ebena need̶a, dai kĩra chuburiáse!

Mateo 22:43

Maud̶e Jesusba id̶isii: —Maka b̶uubʉrã, Davidba ¿sakãe Dachi Akõre Jaurid̶eeba mau mʉ Mechiu nii asma? Davidba naka jarasii: