Mateo 22:22 - Emberá Chamí

²² Mau ũrisid̶aud̶e adua panasii kãare kʉ̃risiad̶ai. Ara makʉd̶e ãyaa wãsid̶au.

Mateo 22:22 Referans Kwoze

Marcos 12:12

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina Jesús jãkaa ẽbẽrarã ãrea basiid̶eeba jidaubid̶ai wapea panasid̶au. Maka mau ida apii b̶ud̶aped̶a maabae ãyaa wãsid̶au.

Colosenses 4:6

Bed̶ea biad̶eeba berreásturu jomaurãba biꞌia ũrid̶amera. Maka Cristo ʉ̃rʉbena id̶iiduud̶e machiba kuitaa panad̶ai saka panaud̶ai panuu.

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Mateo 22:46

Maud̶e ab̶au bid̶a Jesusmaa poyaa panaud̶aabasii. Makaed̶ebena ab̶auba Jesusmaa waya id̶id̶ai kʉ̃riad̶aabasii.

Mateo 22:33

Jesusba maka jaradea b̶uu mau ũrisid̶aud̶e, ẽbẽrarãba adua panasii kãare kʉ̃risiad̶ai.

Mateo 10:16

»Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.