Mateo 22:21 - Emberá Chamí

²¹ Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Mateo 22:21 Referans Kwoze

Romanos 13:7

Jomaurãmaa deásturu machiba ãchicha dead̶ai panuu kĩra. Machi jaradea ua b̶uabadaurãmaa chi nejarra dead̶ai panuu deásturu. Machiba wapeadee panad̶ai panuu wapeadee panásturu. Machiba chi biꞌia jarad̶ai panuurãmaa biꞌia jarásturu.

Hechos 4:19

Maamina Pedroba maud̶e Juanba jarasid̶au: —Biꞌia kʉ̃risiásturu. ¿Biꞌia b̶uka Dachi Akõred̶e ijãad̶ai maebʉrã chi machiba jara panuu ijãad̶ai? Daimaarã biꞌia b̶uu Dachi Akõred̶e ijãad̶ai.

Mateo 22:37

Maabae Jesusba naka panausii: —Chi naa b̶ʉd̶a bed̶ea naka jara b̶uu: “Joma bichi sõd̶eeba, joma bichi jaurid̶eeba maud̶e joma bichi kʉ̃risiad̶eeba bichi Akõre Mechiu kʉ̃riáse”. Dachi Akõreba waubi b̶uu bed̶ead̶ebena mau chi nabenabʉ maud̶e chi aude mechiubʉ.

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Hechos 5:29

Maud̶e Pedroba maud̶e chi waabenarã Jesusba bʉid̶arãba panausid̶au: —Ẽbẽrarãba jara panuu audeara Dachi Akõreba jara b̶uu ijãad̶ai panuu.

Mateo 4:10

Maud̶e Jesusba jʉbawãe niimaa jarasii: —Satanás, namabena wãse, Dachi Akõre bed̶ead̶e naka b̶ʉ kub̶uud̶eeba: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Mateo 22:20

Jesusba ichiaped̶a id̶isii: —¿Kai kĩedarrma nau sẽetaod̶e b̶uu? ¿Kai trʉ̃ b̶ʉ kub̶uma?

Marcos 12:17

Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu. Ichi bed̶ea ũrisid̶aud̶e, pera bara b̶eesii.

Lucas 20:25

Maud̶eeba Jesusba ãchimaa jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.