Mateo 22:17 - Emberá Chamí

¹⁷ Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka maebʉrã ¿biꞌiwãe b̶uka?

Mateo 22:17 Referans Kwoze

Lucas 2:1

Mau ewarid̶e Romad̶ebena chi aude mechiu César Augustoba ichi juad̶e b̶ee joma juasiibiasii.

Mateo 17:25

Pedroba panausii: —Maerã, deabarii. Pedro ichi ded̶e ed̶a wãsiid̶e Jesús naa berreasii. Naka id̶isii: —Bichiba ¿saka kʉ̃risia b̶uma, Simón? ¿Kairãba chi nejarra nau druad̶e nuree reyrãmaa dead̶ai panuma? ¿Ara ãchi ab̶aarakaurãba maebʉrã ãibenarãba dead̶ai panuka?

Hechos 28:22

Maamina daiba kuitaa panuu joma druacha mau kʉ̃risia wid̶i ʉ̃rʉbena kachirua berrea panuu. Maud̶eeba ũri kʉ̃ria panuu bichiba saka kʉ̃risia b̶uu.

Hechos 25:8

Maud̶e Pabloba panausii: —Mʉʉba ab̶a bid̶a kachirua wauwẽa b̶uu. Moisesba b̶ʉd̶a ida b̶uwẽa b̶uu, Dachi Akõre de mechiu kachiruabiwẽa b̶uu maud̶e Romad̶ebena chi aude mechiu nii sid̶a ida b̶uwẽa b̶uu.

Hechos 17:7

Mau awara Jasonba maarã mukĩrarã ichi ded̶e biꞌia irsibisii. Maarãba waud̶akau Romad̶ebena chi aude mechiu niiba waubi b̶uu kĩra. Bari jara panuu ichi audeara rey ab̶a mechiu nii, Jesús abadau».

Hechos 5:37

Mau maad̶akare Romad̶ebenarãba ẽbẽrarã trʉ̃ b̶ʉmaa panuud̶e, Judas Galilead̶ebena bid̶a mau Teudas kĩra kʉ̃risiasii. Mau Judasba ẽbẽrarã ãrea ichi ome uru nibasii. Maamina Romad̶ebenarãba mau beasid̶aud̶e joma ichi baara nibaped̶aad̶a jĩichoasid̶au.

Lucas 3:1

Tiberio César 15 años Romad̶ebena chi aude mechiu niid̶e Poncio Pilato Judea druad̶e chi jaradea ua b̶uabarii basii. Herodes Galilea druad̶e chi jaradea ua b̶uabarii basii. Chi ãba Felipe Traconite druad̶e maud̶e Iturea druad̶e chi jaradea ua b̶uabarii basii. Lisánias Abilene druad̶e chi jaradea ua b̶uabarii basii.

Mateo 22:18

Jesusba kuitaa b̶uasii ichi setaa kũrua panuu, mau nebʉrad̶e b̶aebid̶ayua. Naka jarasii: —Machi setaa ẽbẽra bia nuree abadau, ¿sakãe mʉ kachirua berreabi kʉ̃ria panuma?

Lucas 20:22

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?