Mateo 21:3 - Emberá Chamí

³ Ab̶auba machimaa sakãe jãka wau panuma a id̶iiruubʉrã, jarásturu: “Dachi Mechiuba naarã kʉ̃ria b̶uu. Maamina ichiba waya urubʉʉi”».

Mateo 21:3 Referans Kwoze

Hechos 17:25

Biꞌia b̶uai baita id̶ikau ẽbẽraba ichi baita ne waumera. Ichiaburu joma dachimaa dea b̶uu chokae nuread̶amera, ʉ̃yabad̶amera maud̶e ne joma dachiba uru b̶uai b̶uu uru nuread̶amera.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Juan 3:35

Dachi Akõreba ichi Warr kʉ̃ria uru b̶uu; maud̶eeba ne joma deasii ichi juad̶e uru b̶uamera.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

2 Corintios 8:16

Mʉʉba Dachi Akõremaa ichíturu kid̶ibai abarii. Ichiba Titomaa sõd̶eeba machi kʉ̃ria b̶uabisii mʉʉba machi kʉ̃ria b̶uu kĩra.

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

Mateo 21:2

Maarãmaa naka jarasii: «Chi Dachi kĩraare puuru kub̶uumaa wã́sturu. Aria baaduud̶e burro wẽra warr bara nii jʉ̃ nub̶uu unud̶ai. Enad̶aped̶a maabae omea mʉʉmaa enésturu.

Mateo 21:4

Mau makasii Dachi Akõre baita berreabariiba jarad̶a kĩra. Naka jarasii: