Mateo 21:27 - Emberá Chamí

²⁷ Maud̶eeba Jesusmaa jarasid̶au: —Daiba adua panuu. Maud̶e Jesusba jarasii: —Maka b̶uubʉrã mʉa bid̶a machimaa jaraabai kaiba mʉʉmaa naka waubi b̶uu.

Mateo 21:27 Referans Kwoze

2 Corintios 4:3

Maamina chi bed̶ea bia Cristo ʉ̃rʉbena daiba jaradea panuu wabid̶a biꞌia ũrid̶awẽebʉrã, ab̶a chi ẽbẽrarã Dachi Akõreba karibaabai panuu baita maka b̶uu.

Romanos 1:28

Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

Juan 9:30

Maud̶e chi dau pãriu b̶uad̶aba jarasii: —¿Sakaburu? ¿Saka machiba ichi samabena adua panuu a panuma? ¿Mauba mʉ dau aribiabid̶awãeka?

Mateo 16:3

Maud̶e daped̶e orienteare bajãa puria nub̶uubʉrã maud̶e jʉ̃rʉara ãrea nub̶uubʉrã, machiba jarabadau iu pãriui. Machiba bajãa maka ichiaduuba kuitaa panumina Dachi Akõreba nau id̶ibaebena wau b̶uu kuitaad̶akau.

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Mateo 21:26

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Mateo 21:28

Maka panuud̶e Jesusba paare mechiurãmaa, judiorã mechiurãmaa bid̶a jarasii: —Machiba nau nebʉrʉ ʉ̃rʉbena ¿saka kʉ̃risia panuma? Ẽbẽra b̶uasii. Mau ẽbẽraba warr ome uru b̶uasii. Ewari ab̶aud̶e chi naa b̶uumaa naka jarasii: “Warr, mʉ uva uu nub̶uud̶aa trajad̶e wãse”.