Mateo 20:28 - Emberá Chamí

²⁸ Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Mateo 20:28 Referans Kwoze

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Lucas 22:27

Ẽbẽrarãmaarã, ¿kai chi mechiu nima: chi mesad̶e koi baita akʉ b̶eebarii maebʉrã chi chiko dead̶akabarii? ¿Chi mesad̶e akʉ b̶eebarii chi mechiu niiwãeka? Maamina mʉ chi mechiu nimina nama machi tãed̶e chi chibari baita bari trajabarii kĩra nii.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Timoteo 2:6

Ara ichi ida beabisii ẽbẽrarã joma kariba b̶uai baita. Dachi Akõreba b̶ud̶a ewarid̶e mau kuitaabisii.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Hebreos 5:8

Cristo Dachi Akõre Warrmina ichi ãrea biꞌiwãe b̶uud̶eeba saka ũribaba b̶uai kuitaasii.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

Efesios 1:7

Ichi Warr oa chesiid̶eeba Dachi Akõreba dachi kachiruad̶ebena karibasii. Ichi mechiu sõbiad̶eeba dachiba kachirua wauped̶aad̶a joma perdonasii.

Marcos 14:24

Maud̶e Jesusba jarasii: —Nau mʉ oabʉ. Mʉ oa cheeruuba Dachi Akõreba ãreamaa bed̶ea chiwid̶i dearuu.

Mateo 26:28

Nau mʉ oabʉ. Mʉ oa cheeruuba Dachi Akõreba bed̶ea chiwid̶i dearuu ãrea ẽbẽrarãba kachirua wauped̶aad̶a perdonayua.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Romanos 4:25

Ichiba Jesús b̶usii dachi kachirua kakua biumera. Maabae biud̶ad̶ebena chokae jiradubisii dachi chi ichid̶irã jipa nuree baara duanui baita.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.

Hebreos 2:10

Dachi Akõreba joma wausii. Ichid̶eeba joma duanuu. Dachi Akõremaarã biꞌia b̶uasii Jesús ãrea biꞌiwãe b̶uasii, Dachi Jipa Karibabarii nibamera. Ichid̶eeba Dachi Akõreba ichi warrarã ãrea jʉrʉ adausii ichi biꞌia irsibid̶amera.

Juan 10:15

Ara mau kĩra mʉ Chachaba mʉ kuitaa b̶uu maud̶e mʉʉba mʉ Chacha kuitaa b̶uu. Mʉ michi oeja kakua biui b̶uu.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Mateo 20:27

Chi mechiu nibai kʉ̃ria b̶uu jomaurã audeara kaebeu b̶uai b̶uu.

Marcos 10:45

Maud̶eeba mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.