Mateo 20:21 - Emberá Chamí

²¹ Maud̶e Jesusba id̶isii: —Bichiba ¿kãare kʉ̃ria b̶uma? Mau wẽraba panausii: —Jarase, bichi ẽbẽrarã rey b̶eeruud̶e, mʉ warrarã bichi jãkaa akʉ paneed̶amera, ab̶a bichi jua biare, ab̶a bichi jua sordoare.

Mateo 20:21 Referans Kwoze

Mateo 19:28

Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Mateo 18:1

Mau ewarid̶e Jesús baara nibabadaurã ichi kaita need̶aped̶a naka id̶isid̶au: —Bajãad̶e B̶uuba ichid̶irã ichi juad̶e ua b̶uud̶ebenarã ¿kai chi aude mechiu nima?

Hechos 1:6

Maabae chi Jesús baara ãbua panad̶aba ichimaa id̶isid̶au: —Dai Mechiu, ¿anakʉd̶e bichiba dachi Israel puuru chi aude mechiu b̶uabiika, chi naa b̶uad̶a kĩra?

Marcos 6:22

Maka komaa panuud̶e Herodías kau ed̶a neeped̶a jomaurã daad̶e baerasii. Mauba Herodes maud̶e ichi baara komaa panuurã ãrea kĩrajʉʉsid̶au. Herodesba mau ãweramaa jarasii: —Bichiba kʉ̃riaruu mʉʉmaa id̶ise. Ara makʉd̶e mʉʉba bichimaa deaima.

Mateo 20:32

Maabae Jesús b̶ari nub̶eesii. Maarã iuped̶a id̶isii: —¿Kãare kʉ̃ria panuma mʉʉba waui?

Colosenses 3:1

Machi Cristo ome chokae jiradusid̶aud̶eeba ne bajãad̶ebena jʉrʉ panásturu. Aria Cristo Dachi Akõre jua biare akʉ b̶uu.

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

Juan 15:7

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Lucas 22:24

Maka panuud̶e ara ãchi chiya id̶i bara b̶eesii kai chi aude mechiu nii kuitaad̶ayua.

Lucas 19:11

Jesús Jerusalén kaita b̶uud̶eeba, chi aria panuuba kʉ̃risia panasid̶au ara mau ewarid̶e Dachi Akõreba ichid̶irã ichi juad̶e ua b̶eei. Jesusba jara b̶uu ũri panuud̶eeba, ne jaradeai baita naka nebʉrʉsii:

Lucas 18:41

—¿Kãare kʉ̃ria b̶uma mʉʉba waui? Chi dau pãriu b̶uuba panausii: —Mʉ Mechiu, mʉʉba unui kʉ̃ria b̶uu.

Marcos 10:51

Maud̶e Jesusba ichimaa id̶isii: —¿Kãare kʉ̃ria b̶uma mʉʉba waui? Chi dau pãriu niiba jarasii: —Jaradeabarii, mʉʉba unui kʉ̃ria b̶uu.

Romanos 8:34

¿Kaiba dachi nebʉra bara panuu ad̶aima? Ab̶au bid̶a maka jaraabai Jesucristo dachi kakua biusiid̶eeba. Ichi biu b̶uad̶a chokae jiradusii. Jãabae Dachi Akõre jua biare b̶uu. Aria dachi baita Dachi Akõremaa chi chuburia id̶i b̶uu.

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Mateo 20:22

Maud̶e Jesusba jarasii: —Machiba adua panuu kãare id̶i panuu. Mʉ ãrea biꞌiwãe b̶uai. ¿Machi sid̶a biawãra ara mau kĩra ãrea biꞌiwãe panad̶ai kʉ̃ria panuka? Ãchiba panausid̶au: —Maerã, poyaa biꞌiwãe panad̶ai panuu.