Mateo 20:18 - Emberá Chamí

¹⁸ “Ũrísturu, dachi Jerusalend̶aa wãaduu. Jamaria ab̶aba mʉ, chi Ẽbẽra Ba B̶uad̶a jidaubii paare mechiurãba maud̶e Moisesba b̶ʉd̶a jaradeabadaurãba jidaumera. Maarãba jarad̶ai mʉ biui b̶uu.

Mateo 20:18 Referans Kwoze

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Mateo 27:1

Daped̶eed̶e joma paare mechiurãba judiorã mechiurã baarauba bed̶ea deasid̶au Jesús beabid̶ai baita.

Mateo 26:66

Machimaarã, ¿jãu kãare waud̶aima? Ãchiba panausid̶au: —Jãu nebʉra bara b̶uu. Maud̶eeba bead̶ai b̶uu.

Mateo 26:2

—Machiba kuitaa panuu ewari ome baaruud̶e Pascua ewari waud̶ai. Maud̶e ab̶auba mʉ, chi Ẽbẽra Ba B̶uad̶a jidaubii cruzd̶e jirab̶u bead̶amera.

Lucas 22:71

Maud̶e ãchiba jarasid̶au: —¿Sakãe june ẽbẽrarã jʉrʉd̶aima jãu ʉ̃rʉbena jidead̶amera? ¿Biawãra ara ichi bed̶ead̶eeba jara b̶uuwãeka ichi Dachi Akõre Warr?

Mateo 10:4

maud̶e Simón Cananeo. Maud̶e b̶uasii Judas Iscariote, Jesús jidaubid̶a.