Mateo 19:4 - Emberá Chamí

⁴ Jesusba panausii: —¿Machiba Dachi Akõre bed̶ead̶e, nau ed̶a jarad̶awẽa panuu kĩra? Nau drua wausiid̶e Dachi Akõreba mukĩra maud̶e wẽra wausii.

Mateo 19:4 Referans Kwoze

Lucas 10:26

Jesusba panausii: —Moisesba b̶ʉd̶ad̶e ¿kãare b̶ʉ kub̶uma? ¿Bichi baita kãare jara b̶uma?

Mateo 22:31

Dachi Akõreba biuped̶aad̶arã chokae jiradubadau ʉ̃rʉbena jarad̶a ¿machiba ed̶a jarad̶awẽa panuka?

Mateo 12:3

Maud̶e Jesusba ãchimaa jarasii: —¿Machiba Dachi Akõre bed̶ea b̶ʉd̶ad̶e ed̶a jarad̶awẽa panuka? David maud̶e ichi baara nibabadaurã jarrbisia panasid̶aud̶e ¿kãare wausid̶ama?

Marcos 12:26

¿Machiba biuped̶aad̶arã chokae jiradud̶ai ʉ̃rʉbena Moisés kartad̶e ed̶a jarad̶awẽa panuka? Dachi Akõreba Moisesmaa jarasii: “Mʉ Abraham Akõre Mechiubʉ, Isaac Akõre Mechiubʉ maud̶e Jacob Akõre Mechiubʉ”.

Marcos 12:10

Machiba ¿Dachi Akõre Bed̶ea b̶ʉd̶a ed̶a jarad̶awãe panuka? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii.

Marcos 2:25

Jesusba ãchimaa jarasii: —¿Dachi Akõre bed̶ea b̶ʉd̶ad̶e ed̶a jarad̶awẽa panuka? Ewari ab̶ad̶e Davidba maud̶e ichi baara nibabadaurãba kod̶awẽa panasid̶au. Jarrbisia panasid̶aud̶e ¿kãare wausid̶ama?

Mateo 21:42

Maud̶e Jesusba ãchimaa jarasii: —Ara mau kĩra Dachi Akõreba machi audeara waabenarã ichi juad̶e ua b̶uai. Maarãburu ichiba kʉ̃ria b̶uu waud̶ai. Machiba ¿Dachi Akõre bed̶ea ed̶a jarad̶awẽa panuu kĩra? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii. Dachi Mechiuba maka waud̶ad̶eeba dachimaarã ãrea biꞌia b̶uu”.

Lucas 6:3

Jesusba panausii: —¿Machiba Dachi Akõre bed̶ea ed̶a jarad̶awẽa panuka? David maud̶e ichi baara nibabadaurã jarrbisia panasid̶aud̶e ¿kãare wausid̶ama?

Mateo 21:6

Ara makʉd̶e ome Jesús baara nibabadaurã wãd̶aped̶a Jesusba jarad̶a kĩra wausid̶au.