Mateo 19:29 - Emberá Chamí

²⁹ Mʉ kakua ab̶auba ichi de, ãbarã, neekaurã, akõre, nawe, kima, warrarã maud̶e chi drua b̶ʉiruubʉrã, ichiba b̶ʉid̶a audeara 100 adaui maud̶e Dachi Akõre ome ewaricha chokae b̶uai.

Mateo 19:29 Referans Kwoze

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

Lucas 14:26

«Ab̶a mʉ baara wã kʉ̃ria b̶uubʉrã, naa ãrea kʉ̃risiai b̶uu. Ichi akõre, chi nawe, chi wẽra, chi warrarã, chi ãbarã, chi neekaurã, maebʉrã ichi chokae b̶uai mʉ audeara ãrea kʉ̃ria b̶uubʉrã, mau mʉ baara poyaa nibaabai.

Mateo 16:25

Ab̶a ara ichi karibai kʉ̃riaruubʉrã, mau poyaabai. Maamina ab̶a mʉ kakua biuruubʉrã, Dachi Akõre ome ewaricha chokae b̶uai.

Mateo 6:33

Maud̶eeba machiba jʉrʉ́sturu Dachi Akõreba machi ichi juad̶e ua b̶uai, ichid̶irã baara. Kauwa panásturu ichiba waubi b̶uu waud̶ai. Maka machiba wãꞌãe panuu ichiba joma mau deai.

1 Pedro 4:14

Machi Cristod̶e ijãa panuu kakua kachirua jaraaduubʉrã, Dachi Akõre daad̶e ãrea biꞌia nuree. Dachi Akõre Jauri kĩrawãrea nii machi ome b̶uu.

Mateo 10:22

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

Juan 15:19

Machi nau iujãad̶ebenarã basirã maarãba machi kʉ̃riad̶ai basii ãchid̶ebenad̶eeba. Maamina mʉʉba machi nau iujãad̶ebena adoesii ãchi diware nuread̶amera. Maud̶eeba machi kĩramaabadau.

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

1 Corintios 2:9

Maamina kuitaad̶aabasii Dachi Akõre bed̶ead̶e naka b̶ʉ kub̶uu kĩra: «Chi Dachi Akõreba ichi kʉ̃ria nuree baita biꞌia wauped̶a uru b̶uu, ab̶au bid̶a wabid̶a unud̶akau, kʉʉrʉba ũrid̶akau maud̶e ne ab̶a bid̶a kuitaa kʉ̃risiad̶akau».

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Mateo 19:16

Ewari ab̶aud̶e kũudrãa Jesusmaa neesii. Mau kũudrãaba id̶isii: —Jaradeabarii, Dachi Akõre ome ewaricha chokae b̶uai baita ¿mʉʉba kãare ne bia wauima?

Mateo 13:23

Maamina netaa ioro biad̶e pod̶a nau jara b̶uu: waabenarãba Dachi Akõre bed̶ea bia ũrid̶aped̶a ijãabadau. Maabae chi nureerãba biꞌia waubadau Dachi Akõre baita, waabenarãba aude biꞌia waubadau maud̶e waabenarãba aude biꞌia ãrea waubadau.

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Mateo 13:8

Maamina chi waabenarã netaa ioro biad̶e b̶aesid̶au. Waabenarã netaa ab̶ad̶ebena 30 deasii, 70 maebʉrã 100.

3 Juan 1:7

Ãchiba Jesucristo ʉ̃rʉbena jaradead̶e wãsid̶aud̶e, chi Dachi Akõred̶e ijãad̶akaurãd̶ebena ne adaud̶aabasii.

Lucas 5:11

Ãchiba jãba mar iikaa adoed̶aped̶a joma b̶ʉisid̶au. Maabae Jesús baara wãsid̶au.

Juan 4:36

Chi uu nub̶uu junad̶ai ewari neesii. Uu nub̶uu junaaduu kĩra machi trajad̶ai ẽbẽrarãba mʉʉd̶e ijãad̶amera. Maka ãchi Dachi Akõre baara ewaricha chokae duanad̶ai. Chi uu nub̶uu junabarii kĩrajʉʉbarii chi ichimaa paaduu adaui baita. Ara mau kĩra machi kĩrajʉʉd̶ai ẽbẽrarãba mʉʉd̶e ijãaduu kakua. Chi uu nub̶uu junabarii chi uubarii ome kĩrajʉʉ panad̶ai.