Mateo 19:18 - Emberá Chamí

^18-19 Ichiba id̶isii: —¿Sãu? Jesusba jarasii: —Ẽbẽra bearã́se, junebena miakãid̶a ome kãi b̶eerã́se, nechiruarã́se, setaa jararã́se waabenarã ʉ̃rʉbena; bichi akõre, bichi nawe wapeadee nibase; maud̶e waabenarã kʉ̃riáse ara bichi kʉ̃ria b̶uu kĩra.

Mateo 19:18 Referans Kwoze

Gálatas 3:10

Chi Moisesba b̶ʉd̶a wau panuud̶eeba chi Dachi Akõred̶e jipa nuree baara paneed̶ai kʉ̃risia nuree, nebʉra barau a b̶uu. Mau Moisesba b̶ʉd̶ad̶e naka b̶ʉ kub̶uu: «Nau Moisesba b̶ʉd̶a joma wauwẽa nii Dachi Akõreba nebʉra barau ai».

Lucas 18:20

Bichiba kuitaa b̶uu Dachi Akõreba waubi b̶uu bed̶ea. Naka jara b̶uu: junebena miakãid̶a ome kãi b̶eerã́se, mia bearã́se, nechiruarã́se, setaa jararã́se waabenarã ʉ̃rʉbena, bichi akõre maud̶e bichi nawe wapeadee b̶uase.

Marcos 10:19

Bichiba kuitaa b̶uu Dachi Akõreba waubi b̶uu bed̶ea: mia bearã́se, junebena miakãid̶a ome kãi b̶eerã́se, nechiruarã́se, setaa jararã́se waabenarã ʉ̃rʉbena, waabenarã setaa kũruarã́se, bichi akõre maud̶e bichi nawe wapeadee b̶uase.