Mateo 18:6 - Emberá Chamí

⁶ »Barikiuba mʉʉd̶e ijãa nuree chi mechiuwãe nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma waib̶ʉa b̶uu jʉ̃d̶aped̶a mard̶e jiratad̶ai ʉ̃yaba jãri biumera.

Mateo 18:6 Referans Kwoze

Marcos 9:42

»Barikiuba mʉʉd̶e ijãa nuree chi mechiuwãe nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma jʉ̃d̶aped̶a mard̶e jiratad̶ai.

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Mateo 18:14

Ara mau kĩra machi Akõre bajãad̶e b̶uuba kʉ̃riawẽe ab̶a bid̶a warr cheke barikiad̶e wãi.

Romanos 14:21

Biꞌia b̶uu kiuru koobai, uva b̶aa doobai, maebʉrã ne ab̶a bid̶a waubai bichi ãba kachiruad̶e b̶aebirãamera.

Hechos 9:5

Maud̶e Sauloba id̶isii: —Mʉ Mechiu, ¿bichi kaima? Chi bed̶eaba panausii: —Mʉ Jesusbʉ. Chi bichiba mʉ kachirua waui baita wãraa b̶uu. Chi subariimaa ʉ̃rʉ tʉaruud̶e, bichi ara du ab̶a puꞌuai.

Mateo 17:27

Dachi Mechiu ẽbẽrarãmina, mau chi nejarra dead̶ai, ẽbẽrarãba kachirua kʉ̃risiarãad̶amera dachi ʉ̃rʉbena. Maud̶eeba mard̶aa b̶eda ʉad̶e wãse. Chi b̶eda naa bearuu okarrd̶e sẽetao ab̶a unui. Mau chi nejarra adoeped̶a dease mʉʉba deai bad̶a maud̶e bichiba deai bad̶a.

Mateo 18:5

Mʉʉd̶e ijãa b̶uud̶eeba nau warr kĩra irsibiiruubʉrã, mʉ sid̶a irsibii.