Mateo 18:35 - Emberá Chamí

³⁵ »Ara mau kĩra waui mʉ Chacha bajãad̶e b̶uuba machi ome, machiba machi ãbarã kĩra chuburiad̶awẽebʉrã maud̶e sõd̶eeba perdonad̶awẽebʉrã maarãba machimaa ne kachirua wauped̶aad̶a.

Mateo 18:35 Referans Kwoze

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

Marcos 11:25

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Mateo 6:12

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra.

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Santiago 3:14

Maamina ab̶auba chi uru b̶uu kakua maebʉrã chi wau b̶uu kakua jiwaa duanuubʉrã, maud̶e waabenarã aude biꞌia nuread̶ai baita jʉrʉduubʉrã, jararã́sturu machi ne kuitaa nuree. Maka jaraaduubʉrã, chi biawãra bed̶ea ida b̶u panuu.

Santiago 4:8

Dachi Akõre kaita nésturu, makarã ichi machi kaita neei. Machi chi kachirua waubadaurã, ¡machi jua jeraaduu kĩra waa kachirua waurã́sturu! Machi kʉ̃risia ome uru nuree, ¡kʉ̃risia kachirua ida b̶ud̶aped̶a Dachi Akõréturu kʉ̃risiásturu!

Mateo 18:34

Chi rey ãrea kĩru b̶uasiid̶eeba, chi ichi baita trajabarii jʉ̃abadau ded̶e ẽbẽrarã kachirua waubadaurã juad̶e b̶usii chi deai b̶uad̶a joma paaruud̶aa.

Marcos 11:26

Maamina machiba perdonawẽebʉrã waabenarãba machimaa kachirua wauped̶aad̶a makarã machi Bajãad̶ebena Akõre bid̶a machiba kachirua waubadau perdonaabai.