Mateo 18:15 - Emberá Chamí

¹⁵ »Bichi ãbaba bichimaa kachirua wauruubʉrã, ichimaa wãped̶a machi du ab̶a panuud̶e, berreáse kuitaabiyua chi kachirua waud̶a. Ichiba bichi bed̶ea ũriiruubʉrã, chi sõ arab̶aud̶e b̶eei.

Mateo 18:15 Referans Kwoze

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.

2 Tesalonicenses 3:15

Maamina mau machi kĩramaa kĩra uru panarã́sturu, maumaarã machi ãba baerã jarásturu jipa waumera.

Mateo 18:35

»Ara mau kĩra waui mʉ Chacha bajãad̶e b̶uuba machi ome, machiba machi ãbarã kĩra chuburiad̶awẽebʉrã maud̶e sõd̶eeba perdonad̶awẽebʉrã maarãba machimaa ne kachirua wauped̶aad̶a.

Romanos 12:21

Ab̶auba machi kachirua wauruubʉrã ara mau kĩra waurã́sturu. Maumaarã biꞌia wáusturu ichi kĩra nejasiaped̶a ichiba kachirua wau b̶uu ida b̶uamera.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.

1 Corintios 8:12

Machiba mau adua nuree ãbarã kachiruad̶e b̶aebiaduud̶e Cristomaa kachirua wau panuu.

2 Corintios 7:12

Mʉʉba mau karta chi kachirua waud̶a ẽbẽra kastikai báitaburu b̶ʉʉbasii. Maud̶e chi kachirua b̶eed̶a ẽbẽra aid̶ai baita b̶ʉʉbasii. Maumaarã b̶ʉsii machiba ijãa panuud̶eeba Dachi Akõre daad̶e kuitaad̶amera biawãra dai ome panuu.

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

Mateo 18:14

Ara mau kĩra machi Akõre bajãad̶e b̶uuba kʉ̃riawẽe ab̶a bid̶a warr cheke barikiad̶e wãi.

Mateo 18:21

Maabae Jesús kaita neeped̶a Pedroba id̶isii: —Mʉ Mechiu, mʉ ãbaba mʉ kachirua wauruud̶e ¿sãabe b̶es perdonai b̶uma? ¿7 b̶es bia b̶uka?

Tito 3:10

Ab̶auba ãbarã ijaraa berreabiiruubʉrã, mau iadaase waa maka waurãamera. Mauba ijãawẽebʉrã, waya iadaase. Maud̶e wabid̶a ijãawẽa b̶uubʉrã, mau ome b̶uarã́se.