Mateo 17:5 - Emberá Chamí

⁵ Pedro maka berrea b̶uud̶e jʉ̃rʉara ʉ̃d̶aa b̶uu ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».

Mateo 17:5 Referans Kwoze

Mateo 3:17

Bajãad̶ebena mimi ab̶a ũrisid̶au. Naka jarasii: «Nau chi mʉʉba kʉ̃ria inii. Mʉ ichi kakua ãrea kĩrajʉʉ b̶uu».

Mateo 12:18

Naka jarasii: Nau mʉʉba jʉrʉ adaud̶a, chi mʉ baita bari trajabariibʉ. Mʉʉba ichi kʉ̃ria b̶uu. Ichi kakua mʉ biawãra kĩrajʉʉ b̶uu. Mʉ Jauri ichimaa deai. Ichiba puuru b̶eecha mʉʉba jipa waui ʉ̃rʉbena jarai.

Marcos 9:7

Maka b̶uud̶e jʉ̃rʉara ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu. Mauba jara b̶uu ũrísturu».

Juan 3:35

Dachi Akõreba ichi Warr kʉ̃ria uru b̶uu; maud̶eeba ne joma deasii ichi juad̶e uru b̶uamera.

Marcos 1:11

Bajãad̶ebena mimi ab̶a ũrisid̶au. Naka jarasii: «Bichi mʉ Warr chi mʉʉba kʉ̃ria inii. Bichi kakua mʉ ãrea kĩrajʉʉ b̶uu».

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Lucas 3:22

Ewaped̶a Dachi Akõre Jauri bajãad̶ebena paloma kĩra ichi ʉ̃rʉ neesii. Maud̶e bajãad̶ebena mimi ab̶a ũrisid̶au. Naka jarasii: «Bichi mʉ Warr chi mʉʉba kʉ̃ria inii. Bichi kakua mʉ ãrea kĩrajʉʉ b̶uu».

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

Hechos 7:37

Ara mau Moisesba israeld̶ebenarãmaa jarasii: “Dachi Akõreba mʉ bʉid̶a kĩra ichi baita berreabarii ab̶a machimaa bʉii. Mau ẽbẽra ara machi puurud̶ebena bai. Mauba jaraaruu ijã́sturu”.

Juan 5:37

Biawãra mʉ Chachaba, mʉ bʉid̶aba mʉ ʉ̃rʉbena berrea b̶uu. Maamina machiba ichi bed̶ea ũrid̶akau maud̶e ichi unud̶akau.

Colosenses 1:13

Dachi Akõreba chi jʉbawãe nii pãriud̶ebena dachi karibaped̶a b̶usii ichi Warr kʉ̃ria nii juad̶e ichid̶irã baara ua b̶uamera.

Efesios 1:6

Ichi sõbia ãrea b̶uud̶eeba dachi karibasii ichiba kʉ̃ria b̶uu Warrd̶eeba. Mau baita ichimaa biꞌia berread̶ai panuu.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Hechos 1:9

Jesusba maka jarasiid̶e Dachi Akõreba ʉtaa adoesii. Ãchiba ichia panuud̶e mau jʉ̃rʉara tãed̶e wãsii maabae makaa unud̶aabasii.

Mateo 17:6

Mau ũrisid̶aud̶e wapeaba daub̶ʉʉrʉ ioromaa tʉsid̶au.

Apocalipsis 14:14

Mau maad̶akare mʉ bajãad̶aa ichiasiid̶e jʉ̃rʉara torr unusii. Mʉʉba chi Ẽbẽra Ba B̶uad̶a kĩra mau jʉ̃rʉara ʉ̃rʉ akʉ b̶uu unusii. Boro jũra nee waud̶a jʉ̃ b̶uasii. Ichi juad̶e neko peed̶ea jũria b̶uu uru b̶uasii.