Mateo 16:27 - Emberá Chamí

²⁷ Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 16:27 Referans Kwoze

2 Corintios 5:10

Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.

Romanos 2:6

Ichiba jomaurãmaa deai ãchiba wauped̶aad̶a kĩra.

Romanos 14:12

Maka dachicha wauped̶aad̶a Dachi Akõremaa joma jarad̶ai.

Efesios 6:8

Machiba kuitaa panuu chibari baita bari trajabariibʉrã maebʉrã chibariswãe niibʉrã, Dachi Mechiuba dachimaa dachicha bajãad̶e deai dachiba wauped̶aad̶a kĩra.

Judas 1:14

Enocba maarã ʉ̃rʉbena berreasii. (Adand̶ebena ab̶a Enocd̶aa ẽbẽrarã imiped̶aad̶arã 7 panasid̶au). Enocba Dachi Mechiu baita naka berreasii: «¡Ũrísturu! Dachi Mechiu ichid̶irã ãrea baara neei joma kastikakuai baita. Maud̶e joma ichi kʉ̃riad̶akaurã kastikakuai. Maka waui kachirua wausid̶aud̶eeba Ichi kʉ̃riad̶aabasiid̶eeba, maud̶e Ichi ʉ̃rʉbena kachirua ãrea berreasid̶aud̶eeba».

Apocalipsis 20:12

Maud̶e mʉʉba unusii biuped̶aad̶arã chi mechiurã maud̶e chi kaebeurã Dachi Akõre rey ãkau daad̶e akʉ topanuu. Maud̶e chi b̶ee karta ewakuasii. Maabae june ab̶a karta ewasii. Mau kartad̶e ẽbẽrarã ewaricha chokae nuread̶ai trʉ̃ b̶ʉ kub̶uasii. Dachi Akõreba chi biuped̶aad̶arã joma ichiasii ãchiba wauped̶aad̶a kĩra, chi maarã kartad̶e b̶ʉ kub̶uad̶a kĩra.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Lucas 21:27

Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.

Marcos 14:62

Jesusba panausii: —Mʉʉbʉ. Machiba mʉ, chi Ẽbẽra Ba B̶uad̶a unud̶ai, Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Mateo 24:30

Maud̶e bajãad̶e ne unud̶ai. Mau mʉ, chi Ẽbẽra Ba B̶uad̶a neeruu ʉ̃rʉbena. Mau unuuduud̶e joma puuru nau iujãad̶ebenarã wapeaba jẽad̶ai. Mʉ jʉ̃rʉarad̶e poyaabarii baraa neeruu maud̶e kĩrawãrea ted̶echoa neeruu unud̶ai.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Hechos 1:11

Mau ẽbẽraba naka jarasid̶au: —Machi Galilead̶ebena, ¿sakãe bajãad̶aa ichia panuma? Jesús machi baara b̶uad̶a bajãad̶aa wãd̶a waya neei ichi bajãad̶aa wãd̶a kĩra.

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

1 Pedro 1:17

Machiba Dachi Akõremaa berreaduud̶e machi Chacha abadaubʉrã, kuitásturu Ichiba ẽbẽra waabenarã audeara kʉ̃riakaud̶eeba joma ichiai dachiba wauped̶aad̶a. Maud̶eeba wabid̶a nau iujãad̶e ãibenarã kĩra panuumisa ewaricha ichi wapea panuud̶eeba jipa nibásturu.

Lucas 22:69

Maamina id̶iiba mʉ, chi Ẽbẽra Ba B̶uad̶a Dachi Akõreba Joma Poyaabarii jua biare akʉ b̶uai.

Lucas 9:26

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ neei, mʉ Chachaba mʉʉmaa poyaabarii deasiid̶eeba maud̶e ichi angelerã poyaabariid̶e.

Mateo 13:49

Ara mau kĩra b̶uai chi baribai ewari. Dachi Akõre angelerã need̶aped̶a ẽbẽra kachirua chi jipa b̶ee tãed̶ebena awara b̶ud̶ai.

1 Tesalonicenses 1:10

Ãchiba jara panuu saka machiba Dachi Akõre Warr Jesús bajãad̶ebena neei esed̶au panuu. Ara mau Jesús Dachi Akõreba biud̶ad̶ebena chokae jiradubisii. Mauba Dachi Akõreba dachi kastikai bad̶a karibasii.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

Mateo 13:41

Mʉ, chi Ẽbẽra Ba B̶uad̶aba angelerã bʉikai kachirua waubadaurã ped̶amera maud̶e kachirua waubiabadaurã mʉʉd̶erã mʉ juad̶e ua b̶uud̶ebena.

1 Corintios 8:8

Maamina chi ãnimara kiuru kooduuba dachi Dachi Akõre ome biꞌia b̶ukau. Maud̶eeba dachiba ko panuud̶eeba maebʉrã kod̶awẽa panuud̶eeba Dachi Akõre daad̶e biꞌia nuread̶aabai.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Juan 21:23

Maka jarad̶a kakua ãrea ãbarãba kʉ̃risiasid̶au chi Jesusba ãrea kʉ̃ria b̶uu abadau biubai. Maamina Jesusba jarawẽa b̶uasii jãu biubai. Maumaarã jarasii: “Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa, ¿bichiba mau sakaima?”

1 Corintios 3:13

Cristoba dachi nebʉra ichiai ewarid̶e dachicha wauped̶aad̶a tʉbʉchiaba ichia chaai, ãrea dauchia jãadua b̶uai kuitaai baita. Mauba unubii dachiba wauped̶aad̶a saka b̶uasii.

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

Colosenses 3:25

Maamina chi kachirua wau b̶uu Dachi Akõreba kastikai. Ichiba joma arab̶aud̶e kastikabarii.

Santiago 5:7

Maud̶eeba ãbarã, joma dauchia jãadua panásturu ab̶a Dachi Mechiu neeruud̶aa. Ne uu nub̶uud̶e ẽbẽraba wau b̶uu ʉ̃rʉbena kʉ̃risiásturu. Ichi pead̶e uuruud̶e, apii esed̶aubarii kui cheeruud̶e chi uud̶a tonomera maud̶e warimera. Ara maka nubarii kui maucha cheeruud̶e, mau uud̶a biꞌia chaumera.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.