Mateo 15:12 - Emberá Chamí

¹² Mau maad̶akare Jesús baara nibabadaurã ara kaita need̶aped̶a jarasid̶au: —¿Bichiba kuitaa b̶uu kĩra fariseorã sõ kachirua panuu bichiba jãu bed̶ea jarasiid̶eeba?

Mateo 15:12 Referans Kwoze

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

Gálatas 2:5

Maamina ãchiba jaraped̶aad̶a daiba ne ab̶a bid̶a ijãad̶aabasii machiba chi bed̶ea bia biawãra Cristo ʉ̃rʉbena ewaricha uru nuread̶amera.

2 Corintios 6:3

Dai ʉ̃rʉbena ab̶aumaa kachirua unubid̶awẽa panuu, ab̶au bid̶a kachirua berrearãad̶amera daiba jaradeabadau ʉ̃rʉbena.

Mateo 17:27

Dachi Mechiu ẽbẽrarãmina, mau chi nejarra dead̶ai, ẽbẽrarãba kachirua kʉ̃risiarãad̶amera dachi ʉ̃rʉbena. Maud̶eeba mard̶aa b̶eda ʉad̶e wãse. Chi b̶eda naa bearuu okarrd̶e sẽetao ab̶a unui. Mau chi nejarra adoeped̶a dease mʉʉba deai bad̶a maud̶e bichiba deai bad̶a.

Mateo 11:6

Chi mʉʉd̶e ijãai ida b̶ukau nii biꞌia b̶uai.

Mateo 15:11

Dachiba kobadauba Dachi Akõre daad̶e miadaa b̶ukau. Maumaarã dachi okarrd̶ebena cheeruuba dachi miadaa waubibarii.

Mateo 15:13

Jesusba panausii: —Mʉ Chacha bajãad̶e b̶uuba joma chi bakuru uu bad̶a chi karrd̶eed̶e ẽekuai.