Mateo 14:29 - Emberá Chamí

²⁹ Ara makʉd̶e Jesusba jarasii: —¡Neese! Ara makʉd̶e Pedro jãbad̶ebena ed̶aa wãped̶a Jesusmaa bania ʉ̃rʉ kãribasii.

Mateo 14:29 Referans Kwoze

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Marcos 9:23

Maud̶e Jesusba jarasii: —Bichiba ¿saka mʉʉmaa poyaa karibai b̶uubʉrã a b̶uma? Ijãa b̶uubʉrã, mʉʉba joma poyaa karibai.

Hechos 3:16

Ara mau Jesús poyaabariiba nau ẽbẽra machiba unubadau aribiasii. Daiba ijãa panuu Jesusba chi ẽpermo nuree aribiabiabarii. Maka ijãa panuud̶eeba nau ẽbẽra biawãra aribiasii. Mau machiba arakʉd̶e unu panuu.

Lucas 17:6

Dachi Mechiuba jarasii: —Mostaza taa kaebeara kĩra machiba b̶istĩika bid̶a ijãa panuubʉrã, cha b̶uu bakurumaa “bichi karr ẽetaped̶a mard̶e b̶uad̶e wãse” aaduud̶e mau bakuruba machi bed̶ea ijãai basii.

Romanos 4:19

Warr deai baita ãrea chõra b̶uasmina Abrahamba mau wabid̶a ãrea ijãa b̶uasii. Ichi 100 año baidia b̶uasii. Ichi wẽra Sara sid̶a warr adaukau kuitaa b̶uasmina ichiba wabid̶a ãrea ijãa b̶uasii.

Mateo 21:21

Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 14:28

Maud̶e Pedroba ichimaa jarasii: —Mʉ Mechiu, biawãra bichibʉrã, mʉ bania ʉ̃rʉ bichimaa wãbise.

Mateo 14:30

Maamina mau pũatu meserãa ãrea pũatu kub̶uu unusiid̶e, perasii maud̶e ed̶aa taa kãribasii. Maabae b̶iasii: —Dai Mechiu, ¡mʉ karibase!