Mateo 14:19 - Emberá Chamí

¹⁹ Maabae ẽbẽrarãmaa jarasii siruad̶e akʉ paneed̶amera. Mau pan jua ab̶a panuu maud̶e b̶eda ome panuu ichi juad̶e adauped̶a bajãamaa ichiaped̶a Dachi Akõremaa biꞌia jarasii. Maabae pan b̶ʉakuaped̶a ichi baara nibabadaurãmaa dead̶akasii dead̶akad̶amera.

Mateo 14:19 Referans Kwoze

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

Hechos 27:35

Maka jaraped̶a Pabloba pan juad̶e adauped̶a jomaurã daad̶e Dachi Akõremaa ichíturu kid̶ibai asii. Maabae chi pan b̶ʉaped̶a kosii.

Marcos 6:41

Jesusba mau pan jua ab̶a panuu maud̶e b̶eda ome panuu ichi juad̶e adauped̶a bajãamaa ichiaped̶a Dachi Akõremaa biꞌia jarasii. Maabae pan b̶ʉakuaped̶a ichi baara nibabadaurãmaa dead̶akasii dead̶akamera. Maud̶e b̶eda sid̶a joma dead̶akasid̶au.

1 Corintios 11:24

Dachi Akõremaa bichíturu kid̶ibai aped̶a chi pan b̶ʉaruud̶e jarasii: «Adáusturu. Kósturu. Nau mʉ kakuabʉ, machi kakua dearuu. Mʉ kĩrabad̶ai baita ara nau kĩra wau panásturu».

Romanos 14:6

Chi bari panabadau nubariiba Dachi Mechiu baita maka wau b̶uu. Chi ne joma kobariiba maka kobarii Dachi Mechiu wapeadee b̶uud̶eeba. Maud̶eeba kooruud̶e ichiba Dachi Akõremaa ichíturu kid̶ibai abarii. Maud̶e chi ne joma kokauba maka kokau Dachi Mechiu wapeadee b̶uud̶eeba. Maud̶eeba kooruud̶e ichia bid̶a Dachi Akõremaa ichíturu kid̶ibai abarii.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

1 Corintios 10:16

Dachi Mechiu kĩraba panuud̶e dachiba uva b̶aa basud̶e b̶uu ʉ̃rʉbena Dachi Akõremaa ichíturu kid̶ibai ad̶aped̶a dobadau. Mau dooduud̶e unubibadau dachi Cristo oad̶eeba ichi ome ãbua panuu. Maud̶e pan b̶ʉakuad̶a kooduud̶e unubibadau Cristo nau kakuad̶e ãrea biꞌiwãe b̶uasiid̶eeba dachi ichi ome ãbua panuu.

Lucas 9:14

Aria panuu 5.000 mukĩrarã panuka duanasii. Maud̶eeba Jesusba ichi baara nibabadaurãmaa naka jarasii: —Maarãmaa jarásturu 50cha aꞌawaraa jeed̶a akʉ paneed̶amera.

Marcos 7:34

Maabae bajãad̶aa ichiaped̶a ʉ̃yabaped̶a arameo bed̶ead̶e jarasii: «¡Efatá!» Mau bed̶ea jara b̶uu «Kʉʉrʉ ẽesãase».

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

Juan 6:23

Maud̶e jãbarã maucha Tiberias puurud̶ebena topana chesid̶au Dachi Mechiuba Dachi Akõremaa bichíturu kid̶ibai aped̶a ẽbẽrarãmaa pan kobiad̶amaa.

Marcos 6:39

Maabae Jesusba jomaurãmaa jarasii siruad̶e aꞌawaracha akʉ duaneed̶amera.

Juan 11:41

Maka b̶uud̶e ẽbẽrarãba chi mo ãyaa bʉraasid̶au. Maabae Jesusba ʉtaa ichiaped̶a jarasii: —Chacha, mʉʉba bichimaa biꞌia jarai mʉʉba ʉtaa id̶id̶a ũrisiid̶eeba.

Lucas 22:19

Maabae pan ichi juad̶e adauped̶a Dachi Akõremaa ichíturu kid̶ibai jarasii. Maabae chi pan b̶ʉaped̶a ãchimaa deaped̶a naka jarasii: —Nau mʉ kakuabʉ; machi kakua dearuu. Kósturu. Mʉ kĩrabad̶ai baita ara nau kĩra wau panásturu.

Lucas 9:16

Jesusba pan jua ab̶a panuu maud̶e b̶eda ome panuu ichi juad̶e adauped̶a bajãamaa ichiaped̶a Dachi Akõremaa biꞌia jarasii. Maabae b̶ʉikuaped̶a ichi baara nibabadaurãmaa jarasii dead̶akad̶amera.

Mateo 14:18

Jesusba jarasii: —Mʉʉmaa enésturu.

Lucas 22:17

Maabae basu ichi juad̶e adauped̶a Dachi Akõremaa ichíturu kid̶ibai jaraped̶a naka jarasii: —Nau dósturu.