Mateo 14:14 - Emberá Chamí

¹⁴ Jesús jãbad̶ebena ed̶aa wãsiid̶e ẽbẽrarã ãrea unusii. Maarã kĩra chuburiasiid̶eeba chi ẽpermo nuree aribiabiasii.

Mateo 14:14 Referans Kwoze

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Mateo 9:36

Ẽbẽrarã ãrea araa ãbua imi nub̶uu unusiid̶e kĩra chuburiasii, miichuburi panasiid̶eeba, kĩra nomaa panasid̶aud̶eeba, oeja nubariiwãe nuree kĩra.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 5:2

Ẽbẽrarãba adua panuud̶eeba kachirua wauped̶aad̶a paare mechiuba poyaa kuitaa b̶uu kĩra chuburiai baita, ichia bid̶a arab̶aud̶e waubariid̶eeba.

Lucas 19:41

Jesús Jerusalén kaita baaruud̶e chi puuru unusiid̶e. Mau puuru kakua jẽasii.

Lucas 7:13

Dachi Mechiu Jesusba chi pẽdrãa miichuburi unuped̶a naka jarasii: —Waa jẽarã́se.

Marcos 9:22

B̶es ãrea ichi tʉbʉchiad̶e maud̶e doed̶a b̶aebibarii beai baita. Poyaa b̶uubʉrã dai kĩra chuburiáse maud̶e dai karibase.

Marcos 6:34

Jesús jãbad̶ebena ed̶aa wãsiid̶e ẽbẽrarã ãrea unusii. Oeja nubariiwãe nuree kĩra duanuud̶eeba, Jesusba ãchi kĩra chuburiasii. Maud̶eeba ãchimaa ne ãrea jaradea kob̶eesii.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 14:15

Kiumaa b̶uud̶e ichi baara nibabadaurã ichimaa need̶aped̶a jarasid̶au: —Nama ara kaita ẽbẽrarã wãꞌãe. Mau awara kiumaa b̶uu. Ẽbẽrarãmaa jarase puuru b̶eed̶e chiko nedod̶e wãd̶amera.