Mateo 12:2 - Emberá Chamí

² Ãchiba maka wau panuu chi nuree fariseorãba unud̶aped̶a maabae Jesusmaa jarasid̶au: —Ichiáse, bichi baara nibabadaurãba bari panabadau ewarid̶e chi dachiba waud̶akau b̶uu maka wau panuma.

Mateo 12:2 Referans Kwoze

Mateo 12:10

Aria ẽbẽra jua bʉʉ nii b̶uasii. Maud̶e waabenarãba Jesús jidead̶ai kʉ̃ria panad̶ad̶eeba id̶isid̶au: —¿Ẽbẽra ab̶a ẽpermo b̶uubʉrã, bari panabadau ewarid̶e aribiabii b̶uka?

Lucas 14:3

Jesusba Moisesba b̶ʉd̶a jaradeabadaurãmaa maud̶e fariseorãmaa naka id̶isii: —¿Machimaarã, biꞌia b̶uka bari panabadau ewarid̶e ẽpermo nuree aribiabiai?

Lucas 23:56

Mamabena waya wãd̶aped̶a ãchiba chi biud̶a kakua purubadau kera wausid̶au. Norema b̶ari panasid̶au Moisesba b̶ʉd̶ad̶e jara b̶uu kĩra.

Mateo 12:3

Maud̶e Jesusba ãchimaa jarasii: —¿Machiba Dachi Akõre bed̶ea b̶ʉd̶ad̶e ed̶a jarad̶awẽa panuka? David maud̶e ichi baara nibabadaurã jarrbisia panasid̶aud̶e ¿kãare wausid̶ama?

Marcos 2:24

Maud̶eeba fariseorã ãchimaa needuuba Jesusmaa jarasid̶au: —Ichiáse, bichi baara nibabadaurãba ¿sakãe bari panabadau ewarid̶e chi dachiba waud̶akau b̶uu maka wau panuma?

Lucas 6:2

Waabenarã fariseorãba mau unusid̶aud̶e id̶isid̶au: —¿Machiba sakãe bari panabadau ewarid̶e chi dachiba waud̶akau b̶uu maka wau panuma?