Mateo 12:10 - Emberá Chamí

¹⁰ Aria ẽbẽra jua bʉʉ nii b̶uasii. Maud̶e waabenarãba Jesús jidead̶ai kʉ̃ria panad̶ad̶eeba id̶isid̶au: —¿Ẽbẽra ab̶a ẽpermo b̶uubʉrã, bari panabadau ewarid̶e aribiabii b̶uka?

Mateo 12:10 Referans Kwoze

Lucas 13:14

Maamina Jesusba bari panabadau ewarid̶e aribiasiid̶eeba judiorã araa ãbua imibadau ded̶ebena jaradea ua b̶uabarii kĩrusii. Maud̶e jomaurãmaa naka jarasii: —Bari panabadau ewari awara 6 ewari uru panuu trajad̶ai baita. Mau ewarid̶éburu nésturu machi aribiabid̶amera. Maamina bari panabadau ewarid̶e neerã́sturu.

Juan 9:16

Chi nureerã fariseorãba jarasid̶au: «Mau mukĩra Dachi Akõred̶ebena need̶awãe b̶uu, bari panabadau ewari wapeakaud̶eeba». Maamina waabenarãba jarasid̶au: «¿Saka kachirua waubarii mukĩraba mau ẽbẽrarãba ne poyaa waud̶akau poyaa wausma?» Maka chiya ãyaa jarasid̶au.

Juan 8:6

Ãchiba maka id̶isid̶au Jesusmaa kachirua berreabid̶ai baita, mauba ichi jidead̶ayua. Maud̶e Jesús ed̶aa sinib̶arikau kob̶eeped̶a ichi jua jimid̶iba iorod̶e b̶ʉ kob̶eesii.

Juan 5:10

Maud̶eeba judiorã mechiurãba chi ẽbẽra aribiad̶amaa jarasid̶au: —Id̶i bari panabadau ewarid̶eeba bichi jira adoebadau adoebai b̶uu.

Lucas 11:54

Ãchiba kʉ̃ria panasid̶au Jesusba biꞌia panaurãayu, mau jidead̶ai baita.

Mateo 12:2

Ãchiba maka wau panuu chi nuree fariseorãba unud̶aped̶a maabae Jesusmaa jarasid̶au: —Ichiáse, bichi baara nibabadaurãba bari panabadau ewarid̶e chi dachiba waud̶akau b̶uu maka wau panuma.

Juan 5:3

Aria jeed̶a ẽpermo nuree, dau pãriu nuree, jʉ̃rʉ nʉka nuree maud̶e b̶akara bʉʉ nuree ãrea baraasii. [Ãchiba chi bania miipaaruu esed̶au panasid̶au.

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Lucas 23:14

Ãchimaa naka jarasii: —Machiba mʉʉmaa nau ẽbẽra eneesid̶au jarad̶ai baita jãuba puuru kĩrubikabi b̶uu; maamina machi daad̶e ãrea id̶ismina machiba jideaped̶aad̶a ʉ̃rʉbena, chi nebʉra unuwẽe.

Lucas 20:22

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Mateo 19:3

Maka b̶uud̶e waabenarã fariseorã neesid̶au. Ichi kachirua berreabid̶ai baita naka id̶isid̶au: —¿Mukĩraba chi wẽra amaai biꞌia b̶uka ichi kʉ̃riad̶eeba?

Marcos 3:2

Chi nuree waabenarãba Jesús ichia panasid̶au bari panabadau ewarid̶e mau ẽbẽra aribiabii kuitaa. Aribiabid̶a basirã kachirua jarad̶ai kʉ̃risia panasid̶au.

Juan 7:23

Moisesba b̶ʉd̶a waud̶ai baita machiba bari panabadau ewarid̶e wãwa chi kakua tõobadau. Mau machi ¿sakãe mʉ ome kĩru panuma bari panabadau ewarid̶e ẽbẽra aribiabid̶a kakua?