Mateo 10:41 - Emberá Chamí

⁴¹ Ab̶auba Dachi Akõre baita berreabarii irsibiiruubʉrã, Dachi Akõreba mau bʉid̶ad̶eeba ne kaebea bia adaui Dachi Akõre baita berreabadaurãba adaubadau kĩra. Ẽbẽra jipa b̶uu irsibiiruubʉrã, Dachi Akõre ẽbẽra jipa b̶uu ne bia deabarii kĩra mau ẽbẽramaa deai.

Mateo 10:41 Referans Kwoze

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

2 Juan 1:8

Kauwa panásturu machi setaa kũruabiarãad̶amera. Maka machiba chi Dachi Akõre baita wau panuu ichiba deai bad̶a wãꞌãe bai, maumaarã joma adaud̶ai.

1 Corintios 9:17

Ara michi kʉ̃ria jaradea b̶uubʉrã, chi nejarra adaui b̶uu. Maamina ara michi kʉ̃ria jaradeawẽa b̶uu. Dachi Akõréburu mʉʉmaa jaradeabisiid̶eeba, mʉʉba makai b̶uu.

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 6:18

Makarã ẽbẽrarãba kuitaad̶aabai bichiba chiko kod̶akau ewari wau b̶uu. Ab̶a bichi Akõréburu kuitaai. Bichiba ne bia mirubia wau b̶uu bichi Akõreba unubarii. Ichiaburu bichimaa ne bia deai.

Romanos 16:23

Ãba Gayo bid̶a kʉ̃ria b̶uu machi biꞌia duanad̶ai. Mʉ ichi ded̶e b̶uu. Ãbarã jomaurã ichi ded̶e araa ãbua imi panuu. Nau puurud̶ebena chi nejarra nubarii Erastoba maud̶e ãba Cuarto kʉ̃ria panuu machi biꞌia duanad̶ai.

Mateo 6:6

Bichiba Dachi Akõremaa ʉtaa id̶iiruud̶e bichi ded̶e ed̶a wãse. Chi poraa jʉ̃aped̶a bichi du ab̶a bichi Akõremaa ʉtaa id̶ise. Bichiba chũpea bia wau b̶uu bichi Akõreba unubarii. Ichiaburu bichimaa ne bia deai.

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Mateo 6:1

»Kaubaa ne bia waud̶ai Dachi Akõre baita waabenarã daad̶e maarãba ichiad̶amera. Maka wauduubʉrã, machi Akõre bajãad̶e b̶uuba ichiba ne bia deabai.

Mateo 7:8

Chi ʉtaa id̶i b̶uuba uru b̶uaika. Chi jʉrʉ b̶uuba unui. Chi poraad̶e iuruumaa ewai, ne kaebea deai baita.

Mateo 25:44

»Maud̶e ãchiba id̶id̶ai: “Dai Akõre Mechiu, daiba bichi jarrbisia b̶uu, obisia b̶uu, ãibena kĩra nii, ewaraa b̶uu, ẽpermo b̶uu, maebʉrã jʉ̃abadau ded̶e jʉ̃a b̶uu unud̶aabasii. ¿Sakaed̶e bichi aid̶ad̶aabasma?”

Mateo 25:45

»Maud̶e mʉʉba panaui: “Mʉʉba biawãra jaraaruu: machiba chi kaebeu nuree aid̶ad̶aabasiid̶e mʉ sid̶a aid̶ad̶aabasii”.