Marcos 8:12 - Emberá Chamí

¹² Ãchiba maka waa jara panuud̶eeba Jesús id̶u ʉ̃yabaped̶a jarasii: —Id̶ibena ẽbẽrarãba ¿sakãe ẽbẽrarãba ne poyaa waud̶akau unu kʉ̃ria panuma? Biawãra ara mʉʉba jaraaruu: mʉ Dachi Akõred̶ebena nee b̶uu kuitaad̶amera mʉʉba ẽbẽrarãba ne poyaa waud̶akau waubai.

Marcos 8:12 Referans Kwoze

Marcos 7:34

Maabae bajãad̶aa ichiaped̶a ʉ̃yabaped̶a arameo bed̶ead̶e jarasii: «¡Efatá!» Mau bed̶ea jara b̶uu «Kʉʉrʉ ẽesãase».

Mateo 16:4

Machi chi id̶ibaebenarã kachiruarãba Dachi Akõred̶e ijãad̶ai ida b̶u panuu. Id̶i panuu mʉʉba ẽbẽrarãba ne poyaa waud̶akau waumera. Maamina mʉʉba maka waubai. Machiba ab̶aburu Jonás maka b̶uad̶a kĩra unud̶ai». Maabae Jesús ãchi b̶ʉiped̶a wãsii.

Lucas 19:41

Jesús Jerusalén kaita baaruud̶e chi puuru unusiid̶e. Mau puuru kakua jẽasii.

Marcos 9:19

Jesusba jarasii: —¡Machiba Dachi Akõred̶e ijãad̶akau! Machiba ijãad̶amera ¿sakaed̶aa mʉ dauchia jãadua b̶uaima? Mau warr namaa enésturu.

Marcos 6:6

Ichi puurud̶ebenarãba ijãad̶aabasiid̶eeba Jesusba ãrea kʉ̃risia b̶eesii. Jesusba puurucha jaradea nibasii.

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Mateo 12:38

Mau maad̶akare waabenarã Moisesba b̶ʉd̶a jaradeabadauba, fariseorã bid̶a Jesusmaa jarasid̶au: —Jaradeabarii, daiba kʉ̃ria panuu bichiba ẽbẽrarãba ne poyaa waud̶akau waui. Makarã kuitaad̶ai bichi bajãad̶ebena need̶a.

Marcos 8:13

Maka jaraped̶a fariseorã b̶ʉikasii. Jesús maud̶e ichi baara nibabadaurã jãbad̶e atausid̶au waya mar kĩaraa wãd̶ai baita.