Marcos 6:10 - Emberá Chamí

¹⁰ Mau awara jarasii: —Machi barikiu puurud̶e needuud̶e ab̶auba machi biꞌia irsibiiruud̶e mau ded̶e panésturu ab̶a mau puurud̶ebena wãaduud̶aa.

Marcos 6:10 Referans Kwoze

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Lucas 9:4

Wãaduu nid̶aud̶e ab̶auba machi biꞌia irsibiiruud̶e mau ded̶e panésturu ab̶a mau puurud̶ebena wãaduud̶aa.

Marcos 6:9

Machi kotisa jʉ̃d̶ai b̶uu, maamina paru june adoed̶aabai b̶uu.

Marcos 6:11

Maamina ẽbẽrarãba machi biꞌia irsibid̶aabʉrã, maud̶e machiba jaradeaduu ũrid̶ai kʉ̃riad̶aabʉrã, arabena wã́sturu. Wãaduud̶e, chi jʉ̃rʉd̶ebena ioro jora neapésturu, Dachi Akõreba mau kʉ̃riawẽa b̶uu unubiad̶ai baita. Mauba kuitaabiai ãchiba Dachi Akõre ida b̶u panuu kakua ichiba kastikai.