Marcos 5:43 - Emberá Chamí

⁴³ Maamina Jesusba ãchimaa ãrea jarasii ab̶aumaa bid̶a jararãad̶amera. Maud̶e jarasii wẽrakaumaa ne kobid̶amera.

Marcos 5:43 Referans Kwoze

Mateo 8:4

Jesusba ichimaa jarasii: —Bichi chi kakua anid̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Moisesba jarad̶a kĩra ne kaebea dease. Maka ẽbẽrarãba kuitaad̶ai bichi biawãra aribiad̶a.

Marcos 7:36

Jesusba ãchimaa jarasii mau ʉ̃rʉbena ab̶aumaa bid̶a jararãad̶amera. Maamina aude nebʉrʉbachid̶au.

Marcos 1:43

Maud̶e Jesusba ichimaa kĩrud̶eeba jarasii: —Bichi chi kakua anid̶a ab̶aumaa bid̶a jararã́se. Maumaarã judio paaremaa wãse bichi kakua anid̶a unumera. Maabae Dachi Akõre daad̶e biꞌia b̶eei baita Moisesba jarad̶a kĩra ne kaebea dease. Maka ẽbẽrarãba kuitaad̶ai bichi chi kakua biawãra anid̶a. Maka jaraped̶a Jesusba ichi wãbisii.

Mateo 9:30

Ara makʉd̶e unu kopaneesid̶au. Maabae Jesusba kĩrud̶eeba jarasii mau ʉ̃rʉbena ab̶aumaa bid̶a nebʉrʉrãad̶amera.

Juan 5:41

»Mʉʉba jʉrʉwẽa b̶uu machiba mʉ biꞌia unud̶amera.

Lucas 8:56

Mau unusid̶aud̶e chi akõrerãba kãare kʉ̃risiad̶ayu adua basii. Maamina Jesusba ãchimaa jarasii ab̶aumaa bid̶a jararãad̶amera.

Lucas 5:14

Maud̶e Jesusba ichimaa jarasii: —Bichi aribiad̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Dachi Akõre daad̶e biꞌia b̶eei baita Moisesba jarad̶a kĩra ne kaebea dease. Maka ẽbẽrarãba kuitaad̶ai bichi chi kakua biawãra anid̶a.

Marcos 3:12

Maamina Jesusba jai kachiruarãmaa iadaakuabachii ichi ʉ̃rʉbena arakʉd̶e jararãad̶amera.

Mateo 17:9

Ead̶ebena ed̶aa wãaduu nid̶aud̶e Jesusba ãchimaa naka jarasii: —Machiba unuped̶aad̶a ab̶aumaa bid̶a jararã́sturu ab̶a mʉ, chi Ẽbẽra Ba B̶uad̶a chokae jiraduuruud̶aa.

Hechos 10:41

Dachi Akõreba jomaurãmaa unubiabasii maamina daimaa unubiasii mau baita adoesiid̶eeba. Ichi chokae jiradusiid̶e dai ichi ome kosid̶au maud̶e dosid̶au.

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

Marcos 5:42

Ara makʉd̶e jiraduped̶a wãkarãad̶easii. Mau wẽrakau 12 año nibasii. Mau unusid̶aud̶e, ẽbẽrarã kãare kʉ̃risiad̶ai adua duaneesid̶au.

Marcos 9:9

Maabae ead̶ebena ed̶aa wãaduu nid̶aud̶e Jesusba ãchimaa ãrea jara kob̶eesii ead̶e unuped̶aad̶a ab̶aumaa bid̶a jararãad̶amera ab̶a chi Ẽbẽra Ba B̶uad̶a chokae jiraduuruud̶aa.