Marcos 5:39 - Emberá Chamí

³⁹ Ed̶a wãped̶a Jesusba chi kĩra nomaa jẽa duanuumaa jarasii: —¿Sakãe ãrea kĩra nomaa jẽa panuma? Jãu wẽrakau biuwẽa b̶uu, bari kãi nub̶uu.

Marcos 5:39 Referans Kwoze

Hechos 20:10

Pablo ed̶aa neeped̶a chi kũudrãa ʉ̃rʉ õdarrd̶eeba kob̶eeped̶a bʉrʉsii. Maabae jarasii: —Perarã́sturu. Nau chokae b̶uma.

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

1 Corintios 11:30

Maud̶eeba ãrea machid̶ebenarã kakua biꞌiwãe nuree, ẽpermo nuree maud̶e waabenarã chi nuree biusid̶au.

Mateo 9:24

Jesusba jarakuasii: —Awara wãurísturu. Nau wẽrakau biuwẽa b̶uu. Bari kãi nub̶uu. Maud̶eeba ẽbẽrarãba ichimaa ichiad̶aped̶a ʉisid̶au.

Marcos 5:38

Jairo deemaa needuud̶e Jesusba ẽbẽrarã kĩra nomaa jẽa duanuu ũrisii.

Marcos 5:40

Maud̶eeba ẽbẽrarãba ichimaa ichiad̶aped̶a ʉisid̶au. Maamina Jesusba jomaurã awara wãbiasii. Maabae ichi baara nibabadaurã õbea, chi wẽrakau akõre maud̶e chi nawe ed̶a adoesii chi wẽrakau biud̶a nub̶uumare.