Marcos 5:14 - Emberá Chamí

¹⁴ Maud̶e chi sina nu panad̶a pira wãsid̶au. Ãchiba unuped̶aad̶a nebʉrʉsid̶au chi puurud̶ebenarãmaa maud̶e puuru joma aude ara kaita b̶eemaa. Maarãba chi makad̶a ichiad̶e neesid̶au.

Marcos 5:14 Referans Kwoze

Lucas 8:34

Mau unusid̶aud̶e chi sina nu panad̶a pira wãsid̶au. Ãchiba unuped̶aad̶a nebʉrʉsid̶au chi puurud̶ebenarãmaa maud̶e mau puuru kaita duanuurãmaa.

Mateo 8:33

Mau sina nu panad̶a pira wãsid̶au. Ãchi puurud̶e need̶aped̶a ẽbẽrarã jai kachirua bara nuree unuped̶aad̶a joma nebʉrʉsid̶au.

Mateo 7:6

»Dachi Akõre baita b̶uu usarãmaa dearã́sturu ara machi kaabiabayua. Machi perla chi nejarr ãrea id̶ibadau sinamaa dearã́sturu ʉ̃rʉ tʉarãad̶amera.

Marcos 5:13

Jesusba makabiasii. Mau mukĩra kakuad̶ebena awara wãd̶aped̶a sinarã kakuad̶e ed̶a wãsid̶au. Maabae chi sina pira wãurid̶aped̶a eakarrd̶ebena doed̶aa jĩichoad̶aped̶a ʉ̃yaba jãri kinisid̶au. Chi sinarã beraa 2.000 basii.

Marcos 5:15

Jesús b̶uumaa neesid̶aud̶e, mau mukĩra jai kachiruarã uru b̶uad̶a unusid̶au. Mau paru jʉ̃ped̶a akʉ b̶uu maud̶e kĩrabia b̶uu unusid̶aud̶e, perasid̶au.