Marcos 4:4 - Emberá Chamí

⁴ Maka po kãriid̶e chi b̶ee netaa od̶e b̶aesid̶au. Maabae ibanarã need̶aped̶a pemikuasid̶au.

Marcos 4:4 Referans Kwoze

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Marcos 4:15

Netaa od̶e b̶aed̶a chi Dachi Akõre bed̶ea ũribadaurã kĩra nuree. Mau bed̶ea ũri panuu, maamina ara makʉd̶e Satanás mau bed̶ea ãchi sõd̶e need̶a wãꞌãebibarii.

Mateo 13:4

Maka po kãriid̶e chi b̶ee netaa od̶e b̶aesid̶au. Maabae ibanarã need̶aped̶a pemikuasid̶au.

Lucas 8:12

Netaa od̶e b̶aed̶a nau jara b̶uu: waabenarã ẽbẽrarãba Dachi Akõre bed̶ea ũrid̶aped̶a jʉbawãe niiba mau bed̶ea ãchi sõd̶e need̶a kʉde b̶eebikau ijãarãad̶amera. Maka ãchi kachiruad̶ebena wãd̶akau.

Lucas 8:5

«Ẽbẽra ab̶a netaa pod̶e wãsii. Maka po kãriid̶e chi b̶ee netaa od̶e b̶aesid̶au. Maud̶eeba ẽbẽrarãba ʉ̃rʉ biraduasid̶au maud̶e ibanarãba pemikuasid̶au.

Marcos 4:3

«¡Ũrísturu! Ẽbẽra ab̶a netaa pod̶e wãsii.

Marcos 4:5

Chi b̶ee netaa mokara id̶aad̶e b̶aesid̶au. Chi ioro nausãa b̶uud̶eeba mau netaa isa tonosii.