Marcos 3:3 - Emberá Chamí

³ Maud̶e Jesusba chi ẽbẽra jua bʉʉ niimaa naka jarasii: —Jiraduped̶a ẽsa ʉkʉ nub̶uad̶e neese.

Marcos 3:3 Referans Kwoze

1 Pedro 4:1

Cristo nau kakuad̶e ãrea biꞌiwãe b̶uasiid̶eeba machia bid̶a arab̶aud̶e kʉ̃risia uru panásturu. Chi nau kakuad̶e ãrea biꞌiwãe b̶uuba kachirua ida b̶usii.

Filipenses 1:14

Maud̶eeba ãrea ãbarãba Dachi Mechiud̶eeba Dachi Akõre bed̶ea wapeawẽa jara nibabadau.

Gálatas 6:9

Maud̶eeba kakua ãkaad̶awẽa ne biꞌia wau panásturu. Kakua ãkaad̶awẽa panuubʉrã, Dachi Akõreba b̶ud̶a ewarid̶e dachiba biꞌia adaud̶ai.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.

Lucas 6:8

Maamina ãchiba kʉ̃risia panuu Jesusba kuitaasiid̶eeba chi ẽbẽra jua bʉʉ niimaa naka jarasii: —Jiraduped̶a maabae jomaurã ẽsa ʉkʉ nub̶eese. Ara makʉd̶e chi ẽbẽra jiraduped̶a ʉkʉ nub̶eesii.

Mateo 12:10

Aria ẽbẽra jua bʉʉ nii b̶uasii. Maud̶e waabenarãba Jesús jidead̶ai kʉ̃ria panad̶ad̶eeba id̶isid̶au: —¿Ẽbẽra ab̶a ẽpermo b̶uubʉrã, bari panabadau ewarid̶e aribiabii b̶uka?

Marcos 3:2

Chi nuree waabenarãba Jesús ichia panasid̶au bari panabadau ewarid̶e mau ẽbẽra aribiabii kuitaa. Aribiabid̶a basirã kachirua jarad̶ai kʉ̃risia panasid̶au.

Marcos 3:4

Maabae Jesusba ãchimaa id̶isii: —¿Bari panabadau ewarid̶e kãare waud̶ai panuma? ¿Chi bia maebʉrã chi kachirua? ¿Waabenarã karibai maebʉrã ida biubiaika? Maamina ãchi chũpea paneesid̶au.