Marcos 3:18 - Emberá Chamí

¹⁸ Naarã sid̶a duanusii: Andrés, Felipe, Bartolomé, Mateo, Tomás, Alfeo warr Santiago, Tadeo maud̶e Simón Cananeo.

Marcos 3:18 Referans Kwoze

Hechos 1:13

Jerusalend̶e need̶aped̶a de jã ʉtʉbenad̶e ãchi panabadaumaa wãsid̶au. Ãchi naarã basii: Pedro, Juan, Santiago, Andrés, Felipe, Tomás, Bartolomé, Mateo, Alfeo warr Santiago, Simón Celote maud̶e Santiago warr Judas.

Marcos 2:14

Wãaruud̶e Jesusba Alfeo warr Leví unusii. Mau Leví Romad̶ebena chi aude mechiu nii baita chi nejarra deabadau ded̶e akʉ b̶uasii. Jesusba ichimaa jarasii: «Mʉ ome wãse». Ara makʉd̶e Leví jiraduped̶a Jesús ome wãsii.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

Mateo 9:9

Jesús mamabena wãaruud̶e ẽbẽra Mateo abadau unusii. Mau ẽbẽra Romad̶ebena chi aude mechiu nii baita chi nejarra deabadau ded̶e akʉ b̶uasii. Jesusba Mateomaa jarasii: «Mʉ ome nibase». Ara makʉd̶e Mateo jiraduped̶a Jesús ome wãsii.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Gálatas 1:19

Pedro awara, Jesucristoba bʉid̶arãd̶ebena, Dachi Mechiu ãba Santiagóturu unusii. Waabenarã mʉʉba unuubasii.

1 Corintios 15:7

Mau 500 ãbarãba Jesús unuped̶aad̶akare Santiagomaa unubisii. Mau maad̶akare joma ichiba bʉid̶arãmaa unubiasii.

1 Corintios 9:5

Waabenarã Jesusba bʉid̶arã, Dachi Mechiu Jesús ãbarã maud̶e Pedro ãchi wẽrarã ome ãbua nibabadau. Ara maarã kĩra ¿Jesusd̶e ijãa b̶uu wẽra ome kãiped̶a, mʉ ome ãbua uru nibaabai b̶uka?

Hechos 21:18

Norema Pablo dai ome Santiago ichiad̶e wãsid̶au. Ãbarã nubadaurã sid̶a joma aria duanasid̶au.

Hechos 15:13

Mau joma berreaped̶aad̶akare Santiagoba jarasii: —Ãbarã, mʉ bed̶ea ũrísturu.

Juan 21:2

Mau ewarid̶e ãbua panasid̶au, Simón Pedro, Tomás chi Mikisu abadau, Natanael Caná puuru Galilead̶ebena, Zebedeo warrarã, maud̶e maucha ome.

Juan 14:22

Maabae chi ab̶abena Judas, Iscariotewãeba Jesusmaa id̶isii: —Dai Mechiu, ¿sakãe bichi daimaa unubiaima maamina nau iujãad̶ebenarãmaa unubiabaima?

Juan 11:16

Maud̶e Tomás, Mikisu abadau b̶uasii. Mauba waabenarã Jesús baara nibabadaurãmaa jarasii: —Judead̶aa wãd̶ai dachi sid̶a bead̶amera.

Juan 1:40

Juanba jarad̶a ũrid̶aped̶a Jesús baara wãped̶aad̶a ome panasid̶au. Ab̶a Simón Pedro ãba Andrés basii.

Marcos 6:3

¿Nau mukĩra bakuruba ne kaebea waubariiwãeka? ¿Nau María wauwãeka? ¿Santiago, José, Judas maud̶e Simón ichi ãbarãwãeka? ¿Ichi neekaurã sid̶a dachi tãed̶e panuuwãeka? Maarãba Jesusd̶e ijãad̶ai kʉ̃riad̶aabasii.

Mateo 13:55

¿Ichi dachi puurud̶ebena bakuruba ne kaebea waubarii warrwãeka? Ichi nawe ¿Mariawãeka? Ichi ãbarã ¿Santiago, José, Simón maud̶e Judaswãeka?

Marcos 3:17

Zebedeo warr Santiago maud̶e chi ãba Juan. Mau omed̶ebena Jesusba trʉ̃ jarasii Boanerges, mau trʉ̃ «bã warrarã» jara b̶uud̶eeba.

Marcos 3:19

Jesusba Judas Iscariote sid̶a bʉisii, chi ichi jidaubid̶a.