Marcos 2:16 - Emberá Chamí

¹⁶ Maka panuud̶e Moisesba b̶ʉd̶a jaradeabadaurã (maarã sid̶a fariseorã basma), maarãba Jesús jãarã ẽbẽrarã baara komaa b̶uu unusid̶au. Maud̶eeba fariseorãba Jesús baara nibabadaurãmaa id̶isid̶au: —Machi jaradeabarii ¿sakãe Romad̶ebena baita chi nejarra pebadaurã maud̶e kachirua waubadaurã baara komaa b̶uma?

Marcos 2:16 Referans Kwoze

Lucas 19:10

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Lucas 18:11

Fariseo akʉ nub̶eeped̶a ara ichi ʉ̃rʉbena naka ʉtaa id̶isii: “Dachi Akõre, mʉʉba bichimaa bichíturu kid̶ibai a jaraaruu mʉ waabenarã kĩra niiwãed̶eeba. Ãchi nechiruabadau, kachirua waubadau, wẽra junebena ome kãi duaneebadau. Maud̶e mʉ Romad̶ebena baita chi nejarra pebarii kĩra niiwãe.

1 Corintios 2:15

Chi Dachi Akõre Jauri uru b̶uuba Dachi Akõre ʉ̃rʉbena poyaa ãrea kuitaai. Maamina chi Dachi Akõre Jauriwãe niiba chi Dachi Akõre Jauri uru b̶uu kʉ̃risia, kauwa ũrikau.

Hechos 23:9

Biawãra maud̶eeba mia ũrimaa bara b̶eesii. Chi nuree fariseo baara duanuu Moisesba b̶ʉd̶ad̶e jaradea panabadaurã b̶ari topaneed̶aped̶a jarasid̶au: —Jãu mukĩraba ne kachirua wauwẽa b̶uu, asid̶au. ¿Jauri ab̶aba jãka ichimaa berreabisii, maebʉrã ángel ab̶aba? Maka b̶uubʉrã ¿saka Dachi Akõre ome chĩod̶aima?

Lucas 19:7

Mau unud̶akare jomaurãba Jesús ʉ̃rʉbena naka kachirua berrea bara b̶eesii: «¡Jãu Jesús ẽbẽra kachirua waubarii ded̶e kãi b̶eed̶e wãsii!».

Hebreos 12:3

Biꞌia kʉ̃risiásturu ẽbẽra kachiruarãba Jesús miadaa wausid̶aud̶e saka dauchia jãaduasii. Maka machi kakua ãkaa panad̶aabasii maud̶e machiba ijãa panuu ida b̶ud̶ai kʉ̃risiad̶aabasii.

Marcos 2:7

«¿Nau sakãe jãka berrea b̶uma? ¡Dachi Akõre daad̶e kachirua berrea b̶uu! Ab̶a Dachi Akõréburu ẽbẽraba kachirua waud̶a poyaa perdonabarii».

Mateo 18:17

Wabid̶a ãchiba jaraaduu ichiba ũri kʉ̃riawẽebʉrã, Dachi Akõred̶e ijãabadaurãmaa joma ãbua iuped̶a ãchimaa mau ʉ̃rʉbena jarase. Maamina Dachi Akõred̶e ijãabadaurãba jaraaduu ũrii kʉ̃riawẽebʉrã, ichi Dachi Akõred̶e ijãakau kĩra maebʉrã Romad̶ebena baita chi nejarra pebarii kĩra ida b̶ústuru.

Mateo 9:11

Waabenarã fariseorãba mau unusid̶au. Maud̶eeba Jesús baara nibabadaurãmaa id̶isid̶au: —Machi jaradeabarii ¿sakãe Romad̶ebena baita chi nejarra pebadaurã baara maud̶e waabena kachirua waubadaurã baara ko akʉ b̶uma?

Mateo 5:46

Machiba chi machi kʉ̃riabadáuturu kʉ̃ria panuubʉrã, ¿kãare Dachi Akõreba machimaa ne bia deaima? Maud̶e Romad̶ebenarã chi aude mechiu baita chi nejarra pebadaurã kʉ̃ria panuu ãchi kʉ̃ria uru panuurã.

Marcos 2:15

Mau maad̶akare Jesús chi ichi baara nibabadaurã baara Leví ded̶e kod̶e wãsid̶au. Ãrea chi Romad̶ebena baita chi nejarra pebadaurã maud̶e kachirua waubadaurã aria akʉ panasid̶au, ãchi sid̶a Jesús baara nibabachid̶aud̶eeba.

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?