Marcos 16:20 - Emberá Chamí

²⁰ Maabae chi Jesús baara nibabadaurãba ichi bed̶ea ãchi wãaduumaacha jarasid̶au. Dachi Mechiuba ãchi aid̶abachii. Ẽbẽrarãba poyaa ne waud̶akau waubi b̶uud̶eeba kuitaabiabachii ãchiba jara panuu biawãra b̶uu.

Marcos 16:20 Referans Kwoze

Hechos 14:3

Maamina Pablo maud̶e Bernabé aria aribia panasid̶au. Dachi Mechiuba kariba b̶uu sõd̶eeba ijãa panuud̶eeba ichi ʉ̃rʉbena wapeawẽa jaradeabachid̶au. Maud̶e Dachi Mechiuba ãchi aid̶asii ẽbẽrarãba ne poyaa waud̶akau waud̶amera. Maka kuitaabiasii ichi sõbiad̶eeba ãchiba jaradea panuu biawãra.

Hebreos 2:4

Mau awara Dachi Akõreba ẽbẽrarãba ne poyaa waud̶akau mechiu aꞌawaraa waubiasii. Ichiba kʉ̃ria b̶uad̶a kĩra ichi Jauriba waubi b̶uu ichid̶irãcha dead̶akasii. Joma maud̶eeba kuitaabiasii mau bed̶ea biawãrabʉ.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Hechos 5:12

Mau ewarid̶e Jesusba bʉid̶arãba ẽbẽrarãba ne poyaa waud̶akau ãrea waubachid̶au. Maka kuitaabiasid̶au Dachi Akõre ãchi ome b̶uad̶a. Makaed̶e chi Jesusd̶e ijãabadaurã joma ãbua neesid̶au Dachi Akõre de ãbudare Salomón abadaud̶e.

Hechos 4:30

Bichi poyaabarii sid̶a dease chi ẽpermo nuree aribiabiad̶ai baita maud̶e bichi baita bari trajabarii jipa nii Jesús trʉ̃d̶eeba ẽbẽrarãba ne poyaa waud̶akau waud̶ai baita».

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Lucas 1:1

Dachi Akõreba dachi tãed̶e waud̶a ʉ̃rʉbena, ẽbẽrarã ãreaba kartad̶e b̶ʉd̶ai kʉ̃riasid̶au.

Lucas 1:2

Joma mau waud̶a unuped̶aad̶aba nebʉrʉsid̶au maud̶e jaradeasid̶au. Maabae chi karta b̶ʉped̶aad̶aba mau b̶ʉsid̶au.

Hebreos 2:3

Ara mau kĩra Dachi Akõreba karibai ʉ̃rʉbena bed̶ea dachiba ida b̶uuduubʉrã, ¿Dachi Akõreba kastikaid̶ebena dachirã saka karibad̶aima? Mau bed̶ea ãrea biꞌia b̶uu Dachi Mechiu Jesusba naed̶e jaradeasii. Chi ũriped̶aad̶aba dachimaa mau bed̶ea biawãra abachid̶au.