Marcos 16:12 - Emberá Chamí

¹² Mau maad̶akare Jesús baara nibabadaurã ome puuru awara nibasid̶au. Maarãmaa Jesusba ichi kĩra awara unubiasii.

Marcos 16:12 Referans Kwoze

Juan 21:14

Mauba b̶es õbea ba b̶uasii Jesús chokae jiradusiid̶e ichi baara nibabadaurãmaa unubiaruu.

Juan 21:1

Mau maad̶akare Jesusba ichi waya ichi baara nibabadaurãmaa unubisii Tiberias mar iikaa. Nakasii:

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Lucas 9:29

Aria Jesusba Dachi Akõremaa ʉtaa id̶imaa b̶uud̶e ichi kĩra awara did̶isii. Ichi paru sid̶a ʉ̃d̶aa torroa did̶isii.

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.