Marcos 15:43 - Emberá Chamí

⁴³ José Arimatea puurud̶ebena Pilatomaa wapeawẽa id̶id̶e wãsii Jesús jau b̶ui baita. Mau judiorã chi jaradea ua b̶uabadaurãd̶ebena ab̶a chi aude mechiu basii maud̶e kʉ̃ria b̶uasii Dachi Akõreba ichid̶irã ichi juad̶e ua b̶uamera.

Marcos 15:43 Referans Kwoze

Lucas 2:38

Mau chõodraa Jesús akõrerã kaita wãped̶a Dachi Akõremaa ichíturu kid̶ibai jarasii. Maabae Dachi Akõre Jerusalén puuru karibai ewari esed̶au panuurãmaa chi wãwa ʉ̃rʉbena berreasii.

Lucas 2:25

Mau ewarid̶e ẽbẽra Simeón abadau Jerusalend̶e b̶uasii. Mau Simeón jipa b̶uasii maud̶e Dachi Akõreba jara b̶uu biꞌia waubachii. Ichiba esed̶au b̶uasii Dachi Akõreba Israel puuru sõbiabii ewari. Dachi Akõre Jauri ichi ome b̶uasii.

Hechos 17:12

Mauba ãrea judiorãba Jesusd̶e ijãasid̶au. Maud̶e ãrea griego wẽrarã chi mechiurãba maud̶e mukĩrarãba ijãasid̶au.

Juan 19:38

Joma nau maad̶akare judio José abadau Pilatomaa wãsii. Mau José Arimatea puurud̶ebena basii. Mau Jesús baara nibabarii basii, maamina ab̶aumaa bid̶a jarawẽa b̶uasii waabenarã judiorã wapea b̶uud̶eeba. Ichiba Jesús kakua Pilatomaa id̶isii jau b̶ud̶e adooi baita. Maud̶eeba Pilatoba ida adoebisii. Ara makʉd̶e Joseba Jesús kakua adaud̶e wãped̶a jau b̶ud̶e adoesii.

Mateo 27:57

Kiumaa b̶uud̶e mukĩra ab̶a barau nii José abadau neesii. Mau José Arimatea puurud̶ebena basii. Ichi sid̶a Jesús baara nibabachii.

Filipenses 1:14

Maud̶eeba ãrea ãbarãba Dachi Mechiud̶eeba Dachi Akõre bed̶ea wapeawẽa jara nibabadau.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Marcos 14:54

Pedro kaitawẽeba kaad̶e niiba chi paare mechiu de dud̶a ed̶a wãsii. Aria akʉ b̶eesii Dachi Akõre de nubadaurã baara tʉbʉchia jãkaa kãi baita.

Mateo 20:16

»Ara mau kĩra chi kaad̶eare nuree naa panad̶ai, maud̶e chi naa nuree kaad̶eare panad̶ai.

Mateo 19:30

Maka chi naa nuree kaad̶e nuread̶ai, maud̶e chi kaad̶eare nuree naa nuread̶ai.

Marcos 15:44

Pilatoba Jesús isa biusii ijãabasii. Maud̶eeba chi kokoroarã jaradea ua b̶uabarii iuped̶a, maumaa id̶isii Jesús biawãra biusii kuitaai baita.

Lucas 23:50

Ẽbẽra José abadau b̶uasii. Mau Arimatea puuru, Judea druad̶ebena basii. Ẽbẽra bia nibasii maud̶e jipa nibasii. Dachi Akõreba ichid̶irã ichi juad̶e ua b̶uai esed̶au b̶uasii. Mau judiorã chi jaradea ua b̶uabadaurãd̶ebena basii maamina mau baita, ãchiba bed̶ea deaped̶aad̶a maud̶e chi wauped̶aad̶a biꞌiwãe b̶uasii. Maarãba wauped̶aad̶a kachirua b̶uu unusii.