Marcos 15:32 - Emberá Chamí

³² Jãu Dachi Akõreba Dachi Karibabarii deai jarad̶a, jãu Israeld̶ebena Rey, cruzd̶ebena ed̶aa uruubʉrã makarã ijãad̶ai. Chi ichi jãkaa jira panad̶a bid̶a ichi ʉ̃rʉbena kachirua berreabachid̶au.

Marcos 15:32 Referans Kwoze

Mateo 27:44

Maud̶e ẽbẽra mia kachirua nuree ichi jãkaa cruzd̶e jirab̶uped̶aad̶a bid̶a ara mau kĩra kachirua berreasid̶au.

2 Timoteo 2:18

Ãchi chi biawãra bed̶ead̶ebena ãyaa wãsid̶au. Ãchiba jaradeabadau ẽbẽrarã biuped̶aad̶a chokae jiraduped̶aad̶a. Maud̶eeba waabenarãba Cristod̶e ijãa panuu ʉ̃rʉbena ãyaa kʉ̃risia paneesid̶au.

Mateo 1:17

Abrahamd̶eed̶ebena imiped̶aad̶arã 14 panasid̶au Rey David chi naweba adauruud̶aa. Davidd̶ebena imiped̶aad̶arã 14 panasid̶au israeld̶ebenarã Babilonia puurud̶aa adoesid̶aud̶aa. Maud̶e mamauba 14 panasid̶au Jesucristo chi naweba adauruud̶aa.

Romanos 3:3

Maamina ãchid̶ebena chi nureerãba chi waud̶ai panuu kĩra waud̶aabasii. ¿Maud̶eeba chi Dachi Akõreba waui jarad̶a wauwẽka?

Juan 12:13

Maud̶eeba ãchiba meme kiruu totod̶aped̶a ichi irsibid̶e wãsid̶au. Maabae jĩwa jarasid̶au: «¡Ãrea biꞌia nii! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii Israeld̶ebena Rey!»

Juan 1:49

Maud̶eeba Natanaelba jarasii: —Jaradeabarii, bichi biawãra Dachi Akõre Warrbʉ. Bichi Israeld̶ebenarã Reybʉ.

Marcos 15:26

Chi b̶ʉd̶ad̶e ichi sakãe biui b̶uu ʉ̃rʉbena naka b̶ʉ nub̶usii: «Judiorã Reybʉ».

Mateo 27:42

—Jãuba waabenarã karibasii, maamina ara ichi du ab̶a poyaa karibawẽe. Jãu Israeld̶ebena Reybʉrã, jãu cruzd̶ebena ed̶aa uruubʉrã makarã ijãad̶ai.

Marcos 15:27

Aria nechirurã sid̶a ome cruzd̶e jirab̶usid̶au, ab̶a Jesús jua biare, ab̶a jua sordoare.