Marcos 13:27 - Emberá Chamí

²⁷ Maud̶e mʉʉba angelerã drua b̶eecha wãbiai Dachi Akõreba jʉrʉ adaud̶arã araa ãbua imibiad̶amera.

Marcos 13:27 Referans Kwoze

Mateo 24:31

Maud̶e kachu ãrea jĩwa chaaruud̶e mʉʉba angelerã drua b̶eecha wãbiai Dachi Akõreba jʉrʉ adaud̶arã araa ãbua imibiad̶amera.

2 Tesalonicenses 2:1

Mau awara ãbarã, daiba chi chuburia id̶i panuu Dachi Mechiu Jesucristo neei ʉ̃rʉbena maud̶e dachi ichi ome ãbua panad̶ai ʉ̃rʉbena ara makʉd̶e adua panuu kãare kʉ̃risiad̶ayu. Ab̶auba Dachi Mechiuba kastikai ewari neesii aaruubʉrã, perarã́sturu. Barikiuba Dachi Akõre ʉ̃rʉbena berrea b̶uu kĩra maka jaraaruubʉrã, maebʉrã maka jaradearuubʉrã maebʉrã daiba kartad̶e maka b̶ʉped̶aad̶a aaruubʉrã, ijãarã́sturu.

Lucas 16:22

»Maka panuud̶e mau chi nejarr barauwãe nii biusii. Ara makʉd̶e angelerãba ichi Abraham b̶uumaa adoesid̶au. Mau maad̶akare chi nejarra barau nii sid̶a biusii. Maabae mau jau b̶usid̶au.

Marcos 13:20

Dachi Mechiuba chi mau ewari b̶aꞌãra b̶ud̶awãe basirã, ẽbẽra ab̶a bid̶a chokae panad̶aabai basii. Maamina ichiba mau ewari b̶aꞌãra b̶usii ichiba jʉrʉ adaud̶arã kʉ̃ria b̶uabariid̶eeba.

Mateo 13:41

Mʉ, chi Ẽbẽra Ba B̶uad̶aba angelerã bʉikai kachirua waubadaurã ped̶amera maud̶e kachirua waubiabadaurã mʉʉd̶erã mʉ juad̶e ua b̶uud̶ebena.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.

2 Timoteo 2:10

Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

Romanos 8:33

¿Kaiba Dachi Akõremaa ichiba jʉrʉ adaud̶arã ʉ̃rʉbena poyaa kachirua jaraima? Ara Dachi Akõreba dachi chi ichid̶irã jipa nuree baara duanubarii.

Juan 11:52

Maamina ab̶aburu judiorã baita biubai basii, maumaarã joma Dachi Akõre warrarã nau iujãad̶e drua didiwaraacha nuree, ara puuru ab̶aud̶e duanui baita.

Juan 10:16

Mʉʉba oeja june ua b̶uu nau oeja nubadaumarebenawaẽ. Maarã sid̶a mʉʉba ed̶a adooi. Ãchiba mʉ bed̶ea ijãad̶ai. Maka joma ãbua panad̶ai. Maud̶e ãchi nubarii ab̶a b̶uai.

Lucas 18:7

Dachi Akõreba jʉrʉ adaud̶arãba ãyadaa maud̶e ẽsabud̶e ichimaa chi chuburia id̶i panuud̶e ¿ichiba jipa wau b̶uud̶eeba aid̶aabaika? ¿Panaui baita kãꞌãaika?

Marcos 13:22

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Mateo 24:22

Mau ewari ãrea b̶uai. Dachi Mechiuba chi mau ewari b̶aꞌãra b̶ud̶awãe basirã, ẽbẽra ab̶a bid̶a chokae panad̶aabai basii. Maamina ichiba mau ewari b̶aꞌãra b̶usii ichiba jʉrʉ adaud̶arã kʉ̃ria b̶uabariid̶eeba.

Mateo 13:49

Ara mau kĩra b̶uai chi baribai ewari. Dachi Akõre angelerã need̶aped̶a ẽbẽra kachirua chi jipa b̶ee tãed̶ebena awara b̶ud̶ai.

Mateo 12:42

Mau awara Salomón ewarid̶e chi surd̶ebena reina basii. Ichi drua kaitawẽeba neesii Salomón chi kuitaa nii bed̶ea ũrii baita. Maamina nau ewarid̶e Salomón audeara chi mechiu nii nama b̶umina machiba ijãad̶awẽa panuu. Maud̶eeba Dachi Akõreba kastikai ewarid̶e mau wẽra jiraduped̶a machi nebʉra bara nuree ai.

Marcos 13:28

»Higo bakuru makad̶a ʉ̃rʉbena kuitásturu. Chi bakuru jua tuku nub̶eeped̶a kiruu baraabarii. Maud̶eeba jomaurãba kuitaa panuu iu bia ewari kãꞌãabariwãed̶e neei.