Marcos 12:37 - Emberá Chamí

³⁷ Dachi Akõreba Dachi Karibabarii deai jarad̶a Davidba mau mʉ Mechiu aaruubʉrã, ¿saka David warr baima? Jesusba maka jaradea b̶uu ẽbẽrarã ãreaba kĩrajʉʉ ũri duanasid̶au.

Marcos 12:37 Referans Kwoze

Apocalipsis 22:16

»Mʉ Jesusbʉ. Mʉʉba ángel ab̶a bajãad̶ebena bʉisii joma ãbarã nau iujãad̶e nureecha mau jarakuamera. Mʉ Davidd̶ebena need̶abʉ, ichid̶ebena need̶a kĩra b̶uu. Mʉ Daped̶ebena pusterrea ãrea koabarii abadau».

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

Juan 12:9

Judiorã ãreaba Jesús Betania puurud̶e b̶uu kuitaasid̶aud̶eeba ichi ichiad̶e wãsid̶au. Mau awara Lázaro, Jesusba chokae jiradubid̶a sid̶a ichiad̶e wãsid̶au.

Lucas 21:38

Maud̶eeba daped̶e ẽbẽrarã Dachi Akõre de mechiud̶aa wãbachid̶au Jesusba jaradea b̶uu ũrid̶ai baita.

Lucas 19:48

Maamina poyaa bead̶aabasii jomaurãba ichi bed̶ea ewaricha ũribadaud̶eeba.

Mateo 21:46

Maud̶eeba ãchiba Jesús jidau kʉ̃ria panasid̶au. Maamina puurud̶ebenarã wapea panuud̶eeba ida b̶usid̶au. Puurud̶ebenarãba kʉ̃risia panasid̶au Jesús Dachi Akõre baita berreabarii.

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 1:23

«Wẽra mukĩra adua nii warr baraai maabae warr ab̶a adaui. Ẽbẽrarãba chi warr Emanuel trʉ̃ad̶ai». (Mau trʉ̃ jara b̶uu «Dachi Akõre dachi baara b̶uu»).

Mateo 21:45

Paare mechiurãba maud̶e fariseorãba mau nebʉrʉd̶a ũrisid̶aud̶e kuitaasid̶au Jesusba ãchi ʉ̃rʉbena berrea b̶uu.