Marcos 12:14 - Emberá Chamí

¹⁴ Need̶aped̶a jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii. Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Marcos 12:14 Referans Kwoze

1 Tesalonicenses 2:4

Maumaarã Dachi Akõreba biꞌia unud̶ad̶eeba dai iusii ichi bed̶ea bia jaradead̶amera. Maud̶eeba daiba jaradeaduud̶e, makad̶akau chi ẽbẽrarãba daimaa ichiad̶aped̶a, kʉ̃riad̶amera. Bari jaradeabadau dai Dachi Akõre baara biꞌia panad̶amera. Ichiba dai sõ kʉ̃risia unubarii.

Gálatas 2:6

Chi mechiurã abadau ãbarãba kʉ̃risia awara jarad̶aabasii mʉʉba jaradeamera. Maumaarã kuitaasid̶au Dachi Akõreba mʉ bʉisii chi bed̶ea bia Cristo ʉ̃rʉbena judiowãerãmaa jaradeamera Pedro judiorãmaa bʉid̶a kĩra. (Ãchi chi mechiurã panuu abadamina, mʉ baita arab̶aud̶e b̶uu, Dachi Akõreba dachi kĩra awara unukaud̶eeba).

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 2:2

Mʉʉba machi kĩra nomaabiaruubʉrã ¿kaiba mʉ kĩrajʉʉbiima? ¿Machi kĩra nomaaba mʉ kĩrajʉʉbid̶aika?

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

Romanos 13:6

Maud̶eeba machiba chi karrarãmaa deabadau nejarra dead̶ai panuu, ãchi Dachi Akõre baita bari trajabadaurã kĩra panuud̶eeba, maud̶e maka waubadaud̶eeba.

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Lucas 20:22

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Marcos 14:45

Maud̶eeba Jesús b̶uumare neesid̶aud̶e, Judas berread̶e neesii: —¡Dai Jaradeabarii! Maka jaraped̶a Jesús kĩedarrd̶e ĩyaasii.

Mateo 22:17

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka maebʉrã ¿biꞌiwãe b̶uka?

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

Mateo 22:16

Maud̶eeba fariseorãba ãchi baara nibabadaurã maud̶e Herodes jãkaa panuurã Jesusmaa bʉisid̶au. Maarãba Jesusmaa jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii.

Marcos 12:13

Mau maad̶akare fariseorãba maud̶e Herodesd̶ebenarã Jesusmaa chi nuree bʉisid̶au ichimaa kachirua berreabid̶ai baita.

Marcos 12:15

Jesusba ãchi ẽbẽrarã chi jipa kĩra nuree kuitaasiid̶e, naka jarasii: —Machiba ¿sakãe mʉ kachirua berreabid̶ai kʉ̃ria panuma? Sẽetao dachiba paabadau ab̶a unubiásturu.